Anas (roziyallohu anhu)dan rivoyat qilinadi: Bizning oldimizga Abdurrahmon ibn Avf keldi. Rasululloh ﷺ uni Saʼd ibn Robiʼ bilan birodar qilib qoʻydilar — u (Saʼd) koʻp mol-mulkli edi. Saʼd: «Ansorlar bilishadiki, men ularning eng koʻp mol-mulkka egasidanman. Mol-mulkimni men bilan sening orangda ikkiga boʻlaman. Mening ikki xotinim bor, ulardan qaysi biri senga koʻproq yoqsa qara, men uni taloq qilaman, u (iddadan chiqib) halol boʻlganda, sen unga uylanasan», dedi. Abdurrahmon: «Alloh senga oilangda baraka bersin», dedi. U oʻsha kuni bir oz sariyogʻ va qurt (foyda) qilmagunicha qaytmadi. Koʻp oʻtmay, Rasululloh ﷺning oldilariga keldi, unda sariq (atir) izi bor edi. Rasululloh ﷺ unga: «Bu nima?» dedilar. U: «Ansorlardan bir ayolga uylandim», dedi. U zot: «Unga (mahr) nima berding?» dedilar. U: «Bir donak ogʻirligida oltin» — yoki: «bir donak oltin», dedi. U zot: «(Toʻy) ziyofati ber, garchi bir qoʻy (bilan) boʻlsa ham», dedilar.Анас (розияллоҳу анҳу)дан ривоят қилинади: Бизнинг олдимизга Абдурраҳмон ибн Авф келди. Расулуллоҳ ﷺ уни Саъд ибн Робиъ билан биродар қилиб қўйдилар — у (Саъд) кўп мол-мулкли эди. Саъд: «Ансорлар билишадики, мен уларнинг энг кўп мол-мулкка эгасиданман. Мол-мулкимни мен билан сенинг орангда иккига бўламан. Менинг икки хотиним бор, улардан қайси бири сенга кўпроқ ёқса қара, мен уни талоқ қиламан, у (иддадан чиқиб) ҳалол бўлганда, сен унга уйланасан», деди. Абдурраҳмон: «Аллоҳ сенга оилангда барака берсин», деди. У ўша куни бир оз сариёғ ва қурт (фойда) қилмагунича қайтмади. Кўп ўтмай, Расулуллоҳ ﷺнинг олдиларига келди, унда сариқ (атир) изи бор эди. Расулуллоҳ ﷺ унга: «Бу нима?» дедилар. У: «Ансорлардан бир аёлга уйландим», деди. У зот: «Унга (маҳр) нима бердинг?» дедилар. У: «Бир донак оғирлигида олтин» — ёки: «бир донак олтин», деди. У зот: «(Тўй) зиёфати бер, гарчи бир қўй (билан) бўлса ҳам», дедилар.