Abu Bakr va Abbos (roziyallohu anhumo) ansor majlislaridan biri yonidan oʻtishdi, ular (ansorlar) yigʻlar edilar. (Abu Bakr:) «Sizlarni nima yigʻlatyapti?» dedi. Ular: «Paygʻambar ﷺning biz bilan boʻlgan majlisini (suhbatlarini) esladik», deyishdi. (Abu Bakr) Paygʻambar ﷺning oldilariga kirib, buni u zotga xabar berdi. (Rovi) aytdi: Shunda Paygʻambar ﷺ chiqdilar, boshlariga bir burdaning chetini (tasma qilib) bogʻlagan edilar. (Rovi) aytdi: U zot minbarga koʻtarildilar va oʻsha kundan keyin unga boshqa koʻtarilmadilar. U zot Allohga hamd va sano aytib, soʻng: «Sizlarga ansorlar haqida vasiyat qilaman, chunki ular mening ich-ichimdagi sirdoshim (karishim) va sandigʻimdir (eng yaqinlarimdir). Ular oʻz zimmalaridagi (vazifa)ni ado etishdi, ularga (atalgan haq) esa qoldi. Bas, ularning yaxshilik qiluvchisidan (yaxshiligini) qabul qilinglar va yomonlik qiluvchisini avf etinglar», dedilar.Абу Бакр ва Аббос (розияллоҳу анҳумо) ансор мажлисларидан бири ёнидан ўтишди, улар (ансорлар) йиғлар эдилар. (Абу Бакр:) «Сизларни нима йиғлатяпти?» деди. Улар: «Пайғамбар ﷺнинг биз билан бўлган мажлисини (суҳбатларини) эсладик», дейишди. (Абу Бакр) Пайғамбар ﷺнинг олдиларига кириб, буни у зотга хабар берди. (Рови) айтди: Шунда Пайғамбар ﷺ чиқдилар, бошларига бир бурданинг четини (тасма қилиб) боғлаган эдилар. (Рови) айтди: У зот минбарга кўтарилдилар ва ўша кундан кейин унга бошқа кўтарилмадилар. У зот Аллоҳга ҳамд ва сано айтиб, сўнг: «Сизларга ансорлар ҳақида васият қиламан, чунки улар менинг ич-ичимдаги сирдошим (каришим) ва сандиғимдир (энг яқинларимдир). Улар ўз зиммаларидаги (вазифа)ни адо этишди, уларга (аталган ҳақ) эса қолди. Бас, уларнинг яхшилик қилувчисидан (яхшилигини) қабул қилинглар ва ёмонлик қилувчисини авф этинглар», дедилар.