Zubayr aytdi: Men Badr kuni Ubayda ibn Saʼid ibnul-Osga yoʻliqdim — u (temir bilan) qoplangan (sovutli) edi, undan faqat ikki koʻzi koʻrinardi, uning kunyasi Abu Zotil-Karish edi. U: «Men Abu Zotil-Karishman», dedi. Men unga aneza (kalta nayza) bilan hujum qilib, uni koʻziga sanchdim, u oʻldi. Hishom aytdi: Menga xabar berildiki, Zubayr: «Men oyogʻimni uning ustiga qoʻyib, soʻng (tortib) choʻzildim, uni (nayzani) zoʻrgʻa (yulib) chiqardim, uning ikki uchi (qayrilib) bukilgan edi», degan. Urva aytdi: Rasululloh ﷺ undan uni (nayzani) soʻradilar, u (Zubayr) uni berdi. Rasululloh ﷺ vafot etganlarida, uni (qaytarib) oldi. Soʻng uni Abu Bakr soʻradi, u berdi; Abu Bakr vafot etganida, Umar undan uni soʻradi, u berdi; Umar vafot etganida, uni (qaytarib) oldi. Soʻng Usmon undan uni soʻradi, u berdi; Usmon oʻldirilganida, u Ali xonadonining qoʻlida qoldi. Soʻng uni Abdulloh ibn Zubayr soʻradi, u (nayza) uning yonida qoldi, to u oʻldirilguncha.Зубайр айтди: Мен Бадр куни Убайда ибн Саъид ибнул-Осга йўлиқдим — у (темир билан) қопланган (совутли) эди, ундан фақат икки кўзи кўринарди, унинг куняси Абу Зотил-Кариш эди. У: «Мен Абу Зотил-Каришман», деди. Мен унга анеза (калта найза) билан ҳужум қилиб, уни кўзига санчдим, у ўлди. Ҳишом айтди: Менга хабар берилдики, Зубайр: «Мен оёғимни унинг устига қўйиб, сўнг (тортиб) чўзилдим, уни (найзани) зўрға (юлиб) чиқардим, унинг икки учи (қайрилиб) букилган эди», деган. Урва айтди: Расулуллоҳ ﷺ ундан уни (найзани) сўрадилар, у (Зубайр) уни берди. Расулуллоҳ ﷺ вафот этганларида, уни (қайтариб) олди. Сўнг уни Абу Бакр сўради, у берди; Абу Бакр вафот этганида, Умар ундан уни сўради, у берди; Умар вафот этганида, уни (қайтариб) олди. Сўнг Усмон ундан уни сўради, у берди; Усмон ўлдирилганида, у Али хонадонининг қўлида қолди. Сўнг уни Абдуллоҳ ибн Зубайр сўради, у (найза) унинг ёнида қолди, то у ўлдирилгунча.