(Qays aytdi:) Jarir (roziyallohu anhu) menga aytdi: Paygʻambar ﷺ menga: «Meni Zul-Xalasadan tinchitmaysanmi?» dedilar — u Xasʼamda Yamaniy Kaʼba (deb) ataladigan bir uy edi. Men Ahmas(qabilasi)dan bir yuz ellik otliq bilan joʻnadim — ular ot egalari (suvorilar) edi; men esa ot ustida (yaxshi) turolmas edim. U zot koʻkragimga urdilar, to men barmoqlarining izini koʻkragimda koʻrdim. U zot: «Allohim, uni (ot ustida) sobit qil va uni hidoyat qiluvchi, hidoyat topgan (qil)», dedilar. (Jarir) unga (Zul-Xalasaga) borib, uni sindirdi va yondirdi. Soʻng Rasululloh ﷺga (xabarchi) yubordi. Jarirning elchisi: «Seni haq bilan yuborgan Zotga qasamki, men sening oldingga — uni goʻyo qoʻtir tuyadek (qorayib) qoldirmagunimcha — kelmadim», dedi. (Jarir) aytdi: Shunda u zot Ahmasning otlari va kishilariga besh marta baraka (duosi) qildilar.(Қайс айтди:) Жарир (розияллоҳу анҳу) менга айтди: Пайғамбар ﷺ менга: «Мени Зул-Халасадан тинчитмайсанми?» дедилар — у Хасъамда Яманий Каъба (деб) аталадиган бир уй эди. Мен Аҳмас(қабиласи)дан бир юз эллик отлиқ билан жўнадим — улар от эгалари (суворилар) эди; мен эса от устида (яхши) туролмас эдим. У зот кўкрагимга урдилар, то мен бармоқларининг изини кўкрагимда кўрдим. У зот: «Аллоҳим, уни (от устида) собит қил ва уни ҳидоят қилувчи, ҳидоят топган (қил)», дедилар. (Жарир) унга (Зул-Халасага) бориб, уни синдирди ва ёндирди. Сўнг Расулуллоҳ ﷺга (хабарчи) юборди. Жарирнинг элчиси: «Сени ҳақ билан юборган Зотга қасамки, мен сенинг олдингга — уни гўё қўтир туядек (қорайиб) қолдирмагунимча — келмадим», деди. (Жарир) айтди: Шунда у зот Аҳмаснинг отлари ва кишиларига беш марта барака (дуоси) қилдилар.