(Misvar ibn Maxrama (roziyallohu anhu) rivoyat qildi)ki, otasi Maxrama unga: «Ey oʻgʻilcham, menga Paygʻambar ﷺga (bir necha) qabolar kelgani va u zot ularni taqsimlayotganlari xabari yetdi; qani, bizni u zotning oldiga olib bor» dedi. Biz bordik va Paygʻambar ﷺni manzillarida topdik. (Maxrama) menga: «Ey oʻgʻilcham, men uchun Paygʻambar ﷺni chaqir» dedi. Men buni (juda) ulkan (ish) deb bildim va: «Sen uchun Rasululloh ﷺni chaqiraymi?» dedim. U: «Ey oʻgʻilcham, u zot jabbor (zoʻravon) emaslar» dedi. Shunda men u zotni chaqirdim, u zot egnilarida oltin (tugma)lar bilan tugmalangan deboj qabo bilan chiqdilar va: «Ey Maxrama, buni biz sen uchun yashirib qoʻygan edik» dedilar va uni unga berdilar.(Мисвар ибн Махрама (розияллоҳу анҳу) ривоят қилди)ки, отаси Махрама унга: «Эй ўғилчам, менга Пайғамбар ﷺга (бир неча) қаболар келгани ва у зот уларни тақсимлаётганлари хабари етди; қани, бизни у зотнинг олдига олиб бор» деди. Биз бордик ва Пайғамбар ﷺни манзилларида топдик. (Махрама) менга: «Эй ўғилчам, мен учун Пайғамбар ﷺни чақир» деди. Мен буни (жуда) улкан (иш) деб билдим ва: «Сен учун Расулуллоҳ ﷺни чақирайми?» дедим. У: «Эй ўғилчам, у зот жаббор (зўравон) эмаслар» деди. Шунда мен у зотни чақирдим, у зот эгниларида олтин (тугма)лар билан тугмаланган дебож қабо билан чиқдилар ва: «Эй Махрама, буни биз сен учун яшириб қўйган эдик» дедилар ва уни унга бердилар.