(Sahl ibn Saʼd (roziyallohu anhu) aytdi:) Bir ayol Paygʻambar ﷺning oldilariga bir burda (olib) keldi. Sahl roviylarga: «Burda nimaligini bilasizmi?» dedi. Roviylar: «U — shamladir» dedilar. Sahl: «U — chetiga hoshiya toʻqilgan shamladir» dedi. (Ayol:) «Yo Rasululloh, sizga mana shuni kiydiraman» dedi. Paygʻambar ﷺ unga ehtiyojli holda uni oldilar va kiydilar. Sahobalardan bir kishi uni u zotning egnida koʻrib: «Yo Rasululloh, bu qanday chiroyli; buni menga kiydiring» dedi. (U zot:) «Ha» dedilar. Paygʻambar ﷺ (oʻrinlaridan) turganlarida, sahobalar uni (haligi kishini) malomat qilib: «Yaxshi qilmading; Paygʻambar ﷺ unga ehtiyojli holda uni olganlarini koʻrding-ku, soʻng undan uni soʻrading, holbuki sen u zotdan biror narsa soʻralsa, (uni) rad qilmasliklarini bilarding-ku» dedilar. U: «Paygʻambar ﷺ uni kiyganlarida, men uning barakasini umid qildim — shoyad men unga kafanlangayman» dedi.(Саҳл ибн Саъд (розияллоҳу анҳу) айтди:) Бир аёл Пайғамбар ﷺнинг олдиларига бир бурда (олиб) келди. Саҳл ровийларга: «Бурда нималигини биласизми?» деди. Ровийлар: «У — шамладир» дедилар. Саҳл: «У — четига ҳошия тўқилган шамладир» деди. (Аёл:) «Ё Расулуллоҳ, сизга мана шуни кийдираман» деди. Пайғамбар ﷺ унга эҳтиёжли ҳолда уни олдилар ва кийдилар. Саҳобалардан бир киши уни у зотнинг эгнида кўриб: «Ё Расулуллоҳ, бу қандай чиройли; буни менга кийдиринг» деди. (У зот:) «Ҳа» дедилар. Пайғамбар ﷺ (ўринларидан) турганларида, саҳобалар уни (ҳалиги кишини) маломат қилиб: «Яхши қилмадинг; Пайғамбар ﷺ унга эҳтиёжли ҳолда уни олганларини кўрдинг-ку, сўнг ундан уни сўрадинг, ҳолбуки сен у зотдан бирор нарса сўралса, (уни) рад қилмасликларини билардинг-ку» дедилар. У: «Пайғамбар ﷺ уни кийганларида, мен унинг баракасини умид қилдим — шояд мен унга кафанлангайман» деди.