حَدَّثَنَا الْحُمَيْدِيُّ، حَدَّثَنَا سُفْيَانُ، حَدَّثَنَا الزُّهْرِيُّ، قَالَ أَخْبَرَنِي عَامِرُ بْنُ سَعْدِ بْنِ أَبِي وَقَّاصٍ، عَنْ أَبِيهِ، قَالَ مَرِضْتُ بِمَكَّةَ مَرَضًا، فَأَشْفَيْتُ مِنْهُ عَلَى الْمَوْتِ، فَأَتَانِي النَّبِيُّ صلى الله عليه وسلم يَعُودُنِي فَقُلْتُ يَا رَسُولَ اللَّهِ إِنَّ لِي مَالاً كَثِيرًا، وَلَيْسَ يَرِثُنِي إِلاَّ ابْنَتِي، أَفَأَتَصَدَّقُ بِثُلُثَىْ مَالِي قَالَ " لاَ ". قَالَ قُلْتُ فَالشَّطْرُ قَالَ " لاَ ". قُلْتُ الثُّلُثُ قَالَ " الثُّلُثُ كَبِيرٌ إِنَّكَ إِنْ تَرَكْتَ وَلَدَكَ أَغْنِيَاءَ خَيْرٌ مِنْ أَنْ تَتْرُكَهُمْ عَالَةً يَتَكَفَّفُونَ النَّاسَ، وَإِنَّكَ لَنْ تُنْفِقَ نَفَقَةً إِلاَّ أُجِرْتَ عَلَيْهَا، حَتَّى اللُّقْمَةَ تَرْفَعُهَا إِلَى فِي امْرَأَتِكَ ". فَقُلْتُ يَا رَسُولَ اللَّهِ أَأُخَلَّفُ عَنْ هِجْرَتِي فَقَالَ " لَنْ تُخَلَّفَ بَعْدِي فَتَعْمَلَ عَمَلاً تُرِيدُ بِهِ وَجْهَ اللَّهِ، إِلاَّ ازْدَدْتَ بِهِ رِفْعَةً وَدَرَجَةً، وَلَعَلَّ أَنْ تُخَلَّفَ بَعْدِي حَتَّى يَنْتَفِعَ بِكَ أَقْوَامٌ وَيُضَرَّ بِكَ آخَرُونَ، لَكِنِ الْبَائِسُ سَعْدُ ابْنُ خَوْلَةَ يَرْثِي لَهُ رَسُولُ اللَّهِ صلى الله عليه وسلم أَنْ مَاتَ بِمَكَّةَ ". قَالَ سُفْيَانُ وَسَعْدُ بْنُ خَوْلَةَ رَجُلٌ مِنْ بَنِي عَامِرِ بْنِ لُؤَىٍّ.
(Omir ibn Saʼd ibn Abu Vaqqos otasidan rivoyat qildiki, u aytdi:) Men Makkada bir kasallik bilan ogʻrib, oʻlim yoqasiga yetib qoldim. Paygʻambar ﷺ meni yoʻqlab keldilar. Men: «Yo Rasululloh, mening koʻp molim bor, menga (yagona) qizimdan boshqa merosxoʻr yoʻq. Molimning uchdan ikkisini sadaqa qilaymi?» dedim. U zot: «Yoʻq», dedilar. «Yarmini-chi?» dedim. «Yoʻq», dedilar. «Uchdan birini-chi?» dedim. U zot: «Uchdan biri (ham) koʻp. Sen merosxoʻrlaringni boy qoldirsang, ularni odamlarga qoʻl choʻzib (tilanib) yuradigan kambagʻal qoldirgandan koʻra yaxshiroqdir. Sen Alloh (rizosi yoʻlida) qilgan har bir xarajatingga, hatto xotiningning ogʻziga solgan luqmangga ham ajr olasan», dedilar. Men: «Yo Rasululloh, men hijratimdan (mahrum boʻlib, Makkada) qoldirilamanmi?» dedim. U zot: «Sen mendan keyin (tirik) qolib, Alloh yuzini (rizosini) istab biror amal qilsang, u sababli darajang va martabang yanada ortadi. Ehtimol, sen mendan keyin qolib, baʼzi qavmlar sen orqali manfaat topar, baʼzilari esa sendan zarar koʻrar. Lekin baxtsiz (kishi) — Saʼd ibn Xavla(dir)»; Rasululloh ﷺ uning Makkada vafot etgani uchun unga achindilar. (Sufyon aytdi: Saʼd ibn Xavla Banu Omir ibn Luayy (qabilasi)dan boʻlgan bir kishi edi.)(Омир ибн Саъд ибн Абу Ваққос отасидан ривоят қилдики, у айтди:) Мен Маккада бир касаллик билан оғриб, ўлим ёқасига етиб қолдим. Пайғамбар ﷺ мени йўқлаб келдилар. Мен: «Ё Расулуллоҳ, менинг кўп молим бор, менга (ягона) қизимдан бошқа меросхўр йўқ. Молимнинг учдан иккисини садақа қилайми?» дедим. У зот: «Йўқ», дедилар. «Ярмини-чи?» дедим. «Йўқ», дедилар. «Учдан бирини-чи?» дедим. У зот: «Учдан бири (ҳам) кўп. Сен меросхўрларингни бой қолдирсанг, уларни одамларга қўл чўзиб (тиланиб) юрадиган камбағал қолдиргандан кўра яхшироқдир. Сен Аллоҳ (ризоси йўлида) қилган ҳар бир харажатингга, ҳатто хотинингнинг оғзига солган луқмангга ҳам ажр оласан», дедилар. Мен: «Ё Расулуллоҳ, мен ҳижратимдан (маҳрум бўлиб, Маккада) қолдириламанми?» дедим. У зот: «Сен мендан кейин (тирик) қолиб, Аллоҳ юзини (ризосини) истаб бирор амал қилсанг, у сабабли даражанг ва мартабанг янада ортади. Эҳтимол, сен мендан кейин қолиб, баъзи қавмлар сен орқали манфаат топар, баъзилари эса сендан зарар кўрар. Лекин бахциз (киши) — Саъд ибн Хавла(дир)»; Расулуллоҳ ﷺ унинг Маккада вафот этгани учун унга ачиндилар. (Суфён айтди: Саъд ибн Хавла Бану Омир ибн Луайй (қабиласи)дан бўлган бир киши эди.)