Sayyor ibn Salama (Abu Barzadan) rivoyat qiladi: Men otam bilan Abu Barza al-Aslamiyning oldiga bordim; otam undan: «Rasululloh ﷺ besh vaqt farz namozni qanday (jamoat bilan) oʻqir edilar?» — deb soʻradi. Abu Barza: «Paygʻambar ﷺ siz ‹birinchi (namoz)› deb ataydigan peshinni quyosh endigina ogʻgan paytda — peshin mahalida — oʻqir edilar. Asrni esa (namozdan keyin) kishi Madinaning eng chekka uyiga borib (yetganida) quyosh hali issiq boʻlgan paytda (oʻqir edilar). (Men shom namozi haqida unutibman.) Paygʻambar ﷺ siz ‹atama› deb ataydigan xuftonni kechiktirishni yoqtirar, undan oldin uxlashni va undan keyin (behuda) gaplashishni esa yoqtirmas edilar. Bomdod (namozi)dan soʻng u zot kishi yonida oʻtirganni taniy oladigan paytda (joydan) ketar va (bomdodda) 60 dan 100 gacha oyat oʻqir edilar», — dedi.Сайёр ибн Салама (Абу Барзадан) ривоят қилади: Мен отам билан Абу Барза ал-Асламийнинг олдига бордим; отам ундан: «Расулуллоҳ ﷺ беш вақт фарз намозни қандай (жамоат билан) ўқир эдилар?» — деб сўради. Абу Барза: «Пайғамбар ﷺ сиз ‹биринчи (намоз)› деб атайдиган пешинни қуёш эндигина оғган пайтда — пешин маҳалида — ўқир эдилар. Асрни эса (намоздан кейин) киши Мадинанинг энг чекка уйига бориб (етганида) қуёш ҳали иссиқ бўлган пайтда (ўқир эдилар). (Мен шом намози ҳақида унутибман.) Пайғамбар ﷺ сиз ‹атама› деб атайдиган хуфтонни кечиктиришни ёқтирар, ундан олдин ухлашни ва ундан кейин (беҳуда) гаплашишни эса ёқтирмас эдилар. Бомдод (намози)дан сўнг у зот киши ёнида ўтирганни таний оладиган пайтда (жойдан) кетар ва (бомдодда) 60 дан 100 гача оят ўқир эдилар», — деди.