Sayyor ibn Salama aytdi: Men va otam Abu Barza al-Aslamiy (roziyallohu anhu)ning huzuriga kirdik, otam unga: «Bizga Rasululloh ﷺ farz namozlarni qanday oʻqiganlarini xabar bering», dedi. U aytdi: «U zot siz Al-Ulo deb ataydigan peshinni quyosh ogʻgan paytda oʻqir edilar. Asrni esa oʻqir edilaru, soʻng birimiz Madinaning eng chekkasidagi uyiga qaytib borsa, quyosh hali tirik (yorugʻ) boʻlar edi». U aytdi: «Shom haqida nima deganini unutdim». U aytdi: «U zot siz Al-Atama deb ataydigan xufton namozini kechiktirishni yaxshi koʻrar edilar». U aytdi: «Undan oldin uxlashni va undan keyin gaplashishni yoqtirmas edilar. Bomdod namozidan odam yonidagi hamsuhbatini taniydigan paytda qaytar edilar va oltmishtadan yuztagacha (oyat) qiroat qilar edilar».Сайёр ибн Салама айтди: Мен ва отам Абу Барза ал-Асламий (розияллоҳу анҳу)нинг ҳузурига кирдик, отам унга: «Бизга Расулуллоҳ ﷺ фарз намозларни қандай ўқиганларини хабар беринг», деди. У айтди: «У зот сиз Ал-Уло деб атайдиган пешинни қуёш оғган пайтда ўқир эдилар. Асрни эса ўқир эдилару, сўнг биримиз Мадинанинг энг чеккасидаги уйига қайтиб борса, қуёш ҳали тирик (ёруғ) бўлар эди». У айтди: «Шом ҳақида нима деганини унутдим». У айтди: «У зот сиз Ал-Атама деб атайдиган хуфтон намозини кечиктиришни яхши кўрар эдилар». У айтди: «Ундан олдин ухлашни ва ундан кейин гаплашишни ёқтирмас эдилар. Бомдод намозидан одам ёнидаги ҳамсуҳбатини танийдиган пайтда қайтар эдилар ва олтмиштадан юзтагача (оят) қироат қилар эдилар».