Abu Muso (roziyallohu anhu)dan rivoyat qilinadi: Men bilan kemada kelgan hamrohlarim va men Baqiʼ Buthon degan joyga tushdik. Oʻsha paytda Paygʻambar ﷺ Madinada edilar. Bizdan biri har kechasi navbat bilan xufton namozi paytida Paygʻambar ﷺ ning oldiga borar edi. Bir kuni men hamrohlarim bilan Paygʻambar ﷺ ning oldiga bordim; u zot baʼzi ishlari bilan band edilar, shuning uchun xufton namozi kechaning oʻrtasigacha kechikdi. Soʻng u zot chiqib, odamlarga imomlik qildilar. Namozni tugatgach, u zot u yerda hozir boʻlganlarga qarab: «Sabr qilinglar! Ketmanglar. Xushxabar (boʻlsin). Bu — Allohning sizlarga (bergan) neʼmatidan(dir)ki, insonlardan hech kim shu vaqtda sizlardan boshqa namoz oʻqimadi», — yoki: «Shu vaqtda sizlardan boshqa hech kim namoz oʻqimadi», — dedilar. Abu Muso qoʻshimcha qildi: «Bas, biz Rasululloh ﷺ dan eshitgan (gap)imizdan keyin xursandlik bilan qaytdik».Абу Мусо (розияллоҳу анҳу)дан ривоят қилинади: Мен билан кемада келган ҳамроҳларим ва мен Бақиъ Бутҳон деган жойга тушдик. Ўша пайтда Пайғамбар ﷺ Мадинада эдилар. Биздан бири ҳар кечаси навбат билан хуфтон намози пайтида Пайғамбар ﷺ нинг олдига борар эди. Бир куни мен ҳамроҳларим билан Пайғамбар ﷺ нинг олдига бордим; у зот баъзи ишлари билан банд эдилар, шунинг учун хуфтон намози кечанинг ўртасигача кечикди. Сўнг у зот чиқиб, одамларга имомлик қилдилар. Намозни тугатгач, у зот у ерда ҳозир бўлганларга қараб: «Сабр қилинглар! Кетманглар. Хушхабар (бўлсин). Бу — Аллоҳнинг сизларга (берган) неъматидан(дир)ки, инсонлардан ҳеч ким шу вақтда сизлардан бошқа намоз ўқимади», — ёки: «Шу вақтда сизлардан бошқа ҳеч ким намоз ўқимади», — дедилар. Абу Мусо қўшимча қилди: «Бас, биз Расулуллоҳ ﷺ дан эшитган (гап)имиздан кейин хурсандлик билан қайтдик».