حَدَّثَنَا مُحَمَّدٌ، أَخْبَرَنَا عَبْدَةُ، حَدَّثَنَا هِشَامُ بْنُ عُرْوَةَ، عَنْ أَبِيهِ، عَنْ أَبِي حُمَيْدٍ السَّاعِدِيِّ، أَنَّ النَّبِيَّ صلى الله عليه وسلم اسْتَعْمَلَ ابْنَ الأُتَبِيَّةِ عَلَى صَدَقَاتِ بَنِي سُلَيْمٍ، فَلَمَّا جَاءَ إِلَى رَسُولِ اللَّهِ صلى الله عليه وسلم وَحَاسَبَهُ قَالَ هَذَا الَّذِي لَكُمْ، وَهَذِهِ هَدِيَّةٌ أُهْدِيَتْ لِي. فَقَالَ رَسُولُ اللَّهِ صلى الله عليه وسلم " فَهَلاَّ جَلَسْتَ فِي بَيْتِ أَبِيكَ وَبَيْتِ أُمِّكَ حَتَّى تَأْتِيَكَ هَدِيَّتُكَ، إِنْ كُنْتَ صَادِقًا ". ثُمَّ قَامَ رَسُولُ اللَّهِ صلى الله عليه وسلم فَخَطَبَ النَّاسَ وَحَمِدَ اللَّهَ وَأَثْنَى عَلَيْهِ ثُمَّ قَالَ " أَمَّا بَعْدُ فَإِنِّي أَسْتَعْمِلُ رِجَالاً مِنْكُمْ عَلَى أُمُورٍ مِمَّا وَلاَّنِي اللَّهُ، فَيَأْتِي أَحَدُكُمْ فَيَقُولُ هَذَا لَكُمْ وَهَذِهِ هَدِيَّةٌ أُهْدِيَتْ لِي فَهَلاَّ جَلَسَ فِي بَيْتِ أَبِيهِ وَبَيْتِ أُمِّهِ حَتَّى تَأْتِيَهُ هَدِيَّتُهُ إِنْ كَانَ صَادِقًا، فَوَاللَّهِ لاَ يَأْخُذُ أَحَدُكُمْ مِنْهَا شَيْئًا ـ قَالَ هِشَامٌ ـ بِغَيْرِ حَقِّهِ إِلاَّ جَاءَ اللَّهَ يَحْمِلُهُ يَوْمَ الْقِيَامَةِ، أَلاَ فَلأَعْرِفَنَّ مَا جَاءَ اللَّهَ رَجُلٌ بِبَعِيرٍ لَهُ رُغَاءٌ، أَوْ بِبَقَرَةٍ لَهَا خُوَارٌ، أَوْ شَاةٍ تَيْعَرُ ". ثُمَّ رَفَعَ يَدَيْهِ حَتَّى رَأَيْتُ بَيَاضَ إِبْطَيْهِ " أَلاَ هَلْ بَلَّغْتُ ".
(Abu Humayd as-Soidiy (roziyallohu anhu) rivoyat qildiki,) Paygʻambar ﷺ Ibn al-Utbiyyani Banu Sulaym sadaqalariga (zakot yigʻishga amaldor qilib) tayinladilar. U Rasululloh ﷺning huzurlariga kelib, U zot u bilan hisob-kitob qilganlarida, u: «Bu — sizlarniki, bu esa — menga hadya qilingan sovgʻa», dedi. Shunda Rasululloh ﷺ: «Agar sen rostgoʻy boʻlsang, — sening hadyang oʻzingga (kelib) yetguncha — otangning uyida va onangning uyida oʻtirsang boʻlmasmidi?!» dedilar. Soʻng Rasululloh ﷺ turdilar-da, odamlarga xutba qilib, Allohga hamd va sano aytdilar, soʻng: «Ammo baʼd; albatta, men sizlardan baʼzi kishilarni — Alloh menga (boshqarishni) topshirgan ishlardan baʼzisiga (amaldor qilib) tayinlayman; soʻng biringiz kelib: ‹Bu — sizlarniki, bu esa — menga hadya qilingan sovgʻa›, deydi. Agar u rostgoʻy boʻlsa, — hadyasi oʻziga yetguncha — otasining uyida va onasining uyida oʻtirsa boʻlmasmidi?! Vallohi, biringiz undan (oʻsha moldan) — (Hishom aytdi:) — oʻz haqqisiz biror narsa olmaydi, magar Qiyomat kuni uni koʻtarib, Allohning huzuriga keladi. Ogoh boʻlinglar, men albatta tanib olaman: Allohning huzuriga bir kishi — boʻkiradigan tuyani, yoki maʼraydigan sigirni, yoki maʼraydigan qoʻyni (koʻtarib) kelganini!», dedilar. Soʻng U zot ikki qoʻllarini — men ikki qoʻltiqlarining oqligini koʻrgunimcha — koʻtardilar: «Ogoh boʻlinglar, men (sizlarga) yetkazdimmi?» (dedilar).(Абу Ҳумайд ас-Соидий (розияллоҳу анҳу) ривоят қилдики,) Пайғамбар ﷺ Ибн ал-Утбийяни Бану Сулайм садақаларига (закот йиғишга амалдор қилиб) тайинладилар. У Расулуллоҳ ﷺнинг ҳузурларига келиб, У зот у билан ҳисоб-китоб қилганларида, у: «Бу — сизларники, бу эса — менга ҳадя қилинган совға», деди. Шунда Расулуллоҳ ﷺ: «Агар сен ростгўй бўлсанг, — сенинг ҳадянг ўзингга (келиб) етгунча — отангнинг уйида ва онангнинг уйида ўтирсанг бўлмасмиди?!» дедилар. Сўнг Расулуллоҳ ﷺ турдилар-да, одамларга хутба қилиб, Аллоҳга ҳамд ва сано айтдилар, сўнг: «Аммо баъд; албатта, мен сизлардан баъзи кишиларни — Аллоҳ менга (бошқаришни) топширган ишлардан баъзисига (амалдор қилиб) тайинлайман; сўнг бирингиз келиб: ‹Бу — сизларники, бу эса — менга ҳадя қилинган совға›, дейди. Агар у ростгўй бўлса, — ҳадяси ўзига етгунча — отасининг уйида ва онасининг уйида ўтирса бўлмасмиди?! Валлоҳи, бирингиз ундан (ўша молдан) — (Ҳишом айтди:) — ўз ҳаққисиз бирор нарса олмайди, магар Қиёмат куни уни кўтариб, Аллоҳнинг ҳузурига келади. Огоҳ бўлинглар, мен албатта таниб оламан: Аллоҳнинг ҳузурига бир киши — бўкирадиган туяни, ёки маърайдиган сигирни, ёки маърайдиган қўйни (кўтариб) келганини!», дедилар. Сўнг У зот икки қўлларини — мен икки қўлтиқларининг оқлигини кўргунимча — кўтардилар: «Огоҳ бўлинглар, мен (сизларга) етказдимми?» (дедилар).