حَدَّثَنَا مُحَمَّدُ بْنُ مُقَاتِلٍ، أَخْبَرَنَا وَكِيعٌ، عَنْ نَافِعِ بْنِ عُمَرَ، عَنِ ابْنِ أَبِي مُلَيْكَةَ، قَالَ كَادَ الْخَيِّرَانِ أَنْ يَهْلِكَا أَبُو بَكْرٍ، وَعُمَرُ، لَمَّا قَدِمَ عَلَى النَّبِيِّ صلى الله عليه وسلم وَفْدُ بَنِي تَمِيمٍ، أَشَارَ أَحَدُهُمَا بِالأَقْرَعِ بْنِ حَابِسٍ الْحَنْظَلِيِّ أَخِي بَنِي مُجَاشِعٍ، وَأَشَارَ الآخَرُ بِغَيْرِهِ، فَقَالَ أَبُو بَكْرٍ لِعُمَرَ إِنَّمَا أَرَدْتَ خِلاَفِي. فَقَالَ عُمَرُ مَا أَرَدْتُ خِلاَفَكَ. فَارْتَفَعَتْ أَصْوَاتُهُمَا عِنْدَ النَّبِيِّ صلى الله عليه وسلم فَنَزَلَتْ {يَا أَيُّهَا الَّذِينَ آمَنُوا لاَ تَرْفَعُوا أَصْوَاتَكُمْ} إِلَى قَوْلِهِ {عَظِيمٌ}. قَالَ ابْنُ أَبِي مُلَيْكَةَ قَالَ ابْنُ الزُّبَيْرِ فَكَانَ عُمَرُ بَعْدُ ـ وَلَمْ يَذْكُرْ ذَلِكَ عَنْ أَبِيهِ يَعْنِي أَبَا بَكْرٍ ـ إِذَا حَدَّثَ النَّبِيَّ صلى الله عليه وسلم بِحَدِيثٍ حَدَّثَهُ كَأَخِي السِّرَارِ، لَمْ يُسْمِعْهُ حَتَّى يَسْتَفْهِمَهُ.
Ibn Abu Mulayka (rahimahulloh) aytadi: Ikki yaxshi kishi — Abu Bakr va Umar halok boʻlishlariga sal qoldi. Nabiy ﷺ ning huzurlariga Banu Tamim elchilari kelganda, ulardan biri Banu Mujoshiʼning ogʻasi Aqraʼ ibn Hobis al-Hanzaliyni (boshliq qilishni) maslahat berdi, ikkinchisi esa undan boshqasini maslahat berdi. Shunda Abu Bakr Umarga: «Sen faqat menga qarshi chiqishni istading», dedi. Umar: «Men senga qarshi chiqishni istaganim yoʻq», dedi. Nabiy ﷺ ning huzurlarida ularning ovozlari koʻtarilib ketdi. Shunda {Ey iymon keltirganlar! Ovozlaringizni koʻtarmanglar} oyati ... {ulkan (savobingiz behuda ketib qolar)} (Hujurot 2) degan soʻzigacha nozil boʻldi. Ibn Abu Mulayka aytadi: Ibn Zubayr aytdi: Shundan keyin Umar — buni otasi Abu Bakrdan zikr qilmadi — Nabiy ﷺ ga biror gap soʻzlaganda, xuddi pichirlagandek soʻzlardi, hatto u zot soʻrab oydinlashtirmaguncha eshittirmasdi.Ибн Абу Мулайка (раҳимаҳуллоҳ) айтади: Икки яхши киши — Абу Бакр ва Умар ҳалок бўлишларига сал қолди. Набий ﷺ нинг ҳузурларига Бану Тамим элчилари келганда, улардан бири Бану Мужошиънинг оғаси Ақраъ ибн Ҳобис ал-Ҳанзалийни (бошлиқ қилишни) маслаҳат берди, иккинчиси эса ундан бошқасини маслаҳат берди. Шунда Абу Бакр Умарга: «Сен фақат менга қарши чиқишни истадинг», деди. Умар: «Мен сенга қарши чиқишни истаганим йўқ», деди. Набий ﷺ нинг ҳузурларида уларнинг овозлари кўтарилиб кетди. Шунда {Эй иймон келтирганлар! Овозларингизни кўтарманглар} ояти ... {улкан (савобингиз беҳуда кетиб қолар)} (Ҳужурот 2) деган сўзигача нозил бўлди. Ибн Абу Мулайка айтади: Ибн Зубайр айтди: Шундан кейин Умар — буни отаси Абу Бакрдан зикр қилмади — Набий ﷺ га бирор гап сўзлаганда, худди пичирлагандек сўзларди, ҳатто у зот сўраб ойдинлаштирмагунча эшиттирмасди.