Ibn Abbos (roziyallohu anhumo)dan rivoyat qilinadi: Nabiy ﷺ ning vafotlari yaqinlashganida — uyda bir necha kishilar, ular orasida Umar ibn al-Xattob ham bor edi — u zot: «Kelinglar, sizlarga shunday bir kitob (yozma) yozib beray, undan keyin hech adashmaysizlar» dedilar. Umar: «Nabiy ﷺ ni ogʻriq yengib qoʻydi, sizlarda Qurʼon bor, bizga Allohning kitobi yetarli» dedi. Uydagilar ixtilof qilib, bahslashib ketishdi. Ulardan baʼzilari: «Yaqinlashtiringlar (qogʻoz-qalam keltiringlar), Rasululloh ﷺ sizlarga bir kitob yozib bersinlar, undan keyin adashmaysizlar» desa, baʼzilari Umar aytgan soʻzni aytar edi. Nabiy ﷺ ning huzurlarida shovqin-suron va ixtilofni koʻpaytirgach, u zot: «Mendan turib keting (chiqib keting)» dedilar. Ubaydulloh aytadi: «Ibn Abbos: ‹Albatta, musibatlarning eng kattasi Rasululloh ﷺ ning ularga oʻsha kitobni yozib berishlariga ularning ixtilofi va shovqin-suroni toʻsiq boʻlganidir› der edilar».Ибн Аббос (розияллоҳу анҳумо)дан ривоят қилинади: Набий ﷺ нинг вафотлари яқинлашганида — уйда бир неча кишилар, улар орасида Умар ибн ал-Хаттоб ҳам бор эди — у зот: «Келинглар, сизларга шундай бир китоб (ёзма) ёзиб берай, ундан кейин ҳеч адашмайсизлар» дедилар. Умар: «Набий ﷺ ни оғриқ енгиб қўйди, сизларда Қуръон бор, бизга Аллоҳнинг китоби етарли» деди. Уйдагилар ихтилоф қилиб, баҳслашиб кетишди. Улардан баъзилари: «Яқинлаштиринглар (қоғоз-қалам келтиринглар), Расулуллоҳ ﷺ сизларга бир китоб ёзиб берсинлар, ундан кейин адашмайсизлар» деса, баъзилари Умар айтган сўзни айтар эди. Набий ﷺ нинг ҳузурларида шовқин-сурон ва ихтилофни кўпайтиргач, у зот: «Мендан туриб кетинг (чиқиб кетинг)» дедилар. Убайдуллоҳ айтади: «Ибн Аббос: ‹Албатта, мусибатларнинг энг каттаси Расулуллоҳ ﷺ нинг уларга ўша китобни ёзиб беришларига уларнинг ихтилофи ва шовқин-сурони тўсиқ бўлганидир› дер эдилар».