Shuayb ibn Abu Hamza az-Zuhriydan rivoyat qildi. U (az-Zuhriy): «Qahqahada ham, kulgida ham tahorat (vojib) emas», dedi. Agar az-Zuhriyning Hasandan, u Nabiy ﷺdan (deb) rivoyat qilgani az-Zuhriydan sahih boʻlganida edi, u unga zid va qarshi fatvo bermas edi. Vallohu aʼlam. Shuningdek uni Hishom ibn Hasson ham Hasandan, Nabiy ﷺdan mursal qilib rivoyat qilgan; buni biz bundan avval yozgan edik. Bu hadisni Abu Hanifa ham Mansur ibn Zozondan, u Hasandan, u Maʼbad al-Juhaniydan mursal qilib Nabiy ﷺdan rivoyat qilgan; Abu Hanifa bunda Mansurga nisbatan vahmga tushgan. Uni Mansur ibn Zozon aslida Muhammad ibn Sirindan, u Maʼbaddan rivoyat qilgan. Bu Maʼbadning esa sahobaligi yoʻq; u tobeinlardan qadar haqida birinchi boʻlib gapirgan kishi, deyiladi. Uni Mansurdan, u Ibn Sirindan (deb) Gʻaylon ibn Jomiʼ va Hushaym ibn Bashir rivoyat qilganlar; ikkovi isnodni Abu Hanifadan koʻra yaxshiroq yod olguvchidirlar.Шуайб ибн Абу Ҳамза аз-Зуҳрийдан ривоят қилди. У (аз-Зуҳрий): «Қаҳқаҳада ҳам, кулгида ҳам таҳорат (вожиб) эмас», деди. Агар аз-Зуҳрийнинг Ҳасандан, у Набий ﷺдан (деб) ривоят қилгани аз-Зуҳрийдан саҳиҳ бўлганида эди, у унга зид ва қарши фатво бермас эди. Валлоҳу аълам. Шунингдек уни Ҳишом ибн Ҳассон ҳам Ҳасандан, Набий ﷺдан мурсал қилиб ривоят қилган; буни биз бундан аввал ёзган эдик. Бу ҳадисни Абу Ҳанифа ҳам Мансур ибн Зозондан, у Ҳасандан, у Маъбад ал-Жуҳанийдан мурсал қилиб Набий ﷺдан ривоят қилган; Абу Ҳанифа бунда Мансурга нисбатан ваҳмга тушган. Уни Мансур ибн Зозон аслида Муҳаммад ибн Сириндан, у Маъбаддан ривоят қилган. Бу Маъбаднинг эса саҳобалиги йўқ; у тобеинлардан қадар ҳақида биринчи бўлиб гапирган киши, дейилади. Уни Мансурдан, у Ибн Сириндан (деб) Ғайлон ибн Жомиъ ва Ҳушайм ибн Башир ривоят қилганлар; иккови иснодни Абу Ҳанифадан кўра яхшироқ ёд олгувчидирлар.