Abul-Ahvas aytdi: Nahravon kuni biz Ali ibn Abu Tolib (roziyallohu anhu) bilan birga daryoning berigi tomonida edik. Haruriylar kelib, uning narigi tomoniga tushdilar. Ali: «Ular biror hodisa sodir qilmagunlaricha ularga tegmanglar», dedi. Ular Abdulloh ibn Xabbobning oldiga borib: «Bizga otang senga rivoyat qilgan, uni Rasululloh ﷺdan eshitgan bir hadisni rivoyat qil», dedilar. U: «Menga otam rivoyat qilishicha, u Rasululloh ﷺning: ‹Bir fitna boʻladi: unda oʻtirgan turganidan yaxshi, turgan esa yugurganidan yaxshi boʻladi›, deganlarini eshitgan», dedi. Shunda ular uni daryo boʻyiga keltirib, qoʻyni soʻygandek boʻgʻizladilar. Ali (roziyallohu anhu)ga xabar keltirildi. U: «Allohu akbar! Ularga: ‹Abdulloh ibn Xabbobning qotilini bizga chiqaringlar›, deb chorlanglar», dedi. Ular uch marta: «Uni hammamiz oʻldirganmiz», dedilar. Shunda Ali (roziyallohu anhu) ashoblariga: «Bu qavmga (yuringlar)», dedi. Koʻp oʻtmay Ali va ashoblari ularni oʻldirdilar. Va hadisning qolgan qismini zikr qildi.Абул-Аҳвас айтди: Наҳравон куни биз Али ибн Абу Толиб (розияллоҳу анҳу) билан бирга дарёнинг бериги томонида эдик. Ҳарурийлар келиб, унинг нариги томонига тушдилар. Али: «Улар бирор ҳодиса содир қилмагунларича уларга тегманглар», деди. Улар Абдуллоҳ ибн Хаббобнинг олдига бориб: «Бизга отанг сенга ривоят қилган, уни Расулуллоҳ ﷺдан эшитган бир ҳадисни ривоят қил», дедилар. У: «Менга отам ривоят қилишича, у Расулуллоҳ ﷺнинг: ‹Бир фитна бўлади: унда ўтирган турганидан яхши, турган эса югурганидан яхши бўлади›, деганларини эшитган», деди. Шунда улар уни дарё бўйига келтириб, қўйни сўйгандек бўғизладилар. Али (розияллоҳу анҳу)га хабар келтирилди. У: «Аллоҳу акбар! Уларга: ‹Абдуллоҳ ибн Хаббобнинг қотилини бизга чиқаринглар›, деб чорланглар», деди. Улар уч марта: «Уни ҳаммамиз ўлдирганмиз», дедилар. Шунда Али (розияллоҳу анҳу) ашобларига: «Бу қавмга (юринглар)», деди. Кўп ўтмай Али ва ашоблари уларни ўлдирдилар. Ва ҳадиснинг қолган қисмини зикр қилди.