Ubayda Allohning: «Agar ikkovining orasi buzilishidan qoʻrqsangiz, erning ahlidan bir hakam va xotinning ahlidan bir hakam yuboringlar» degan oyati haqida aytdi: Ali (roziyallohu anhu)ning oldiga bir er va bir ayol keldi; ularning har biri bilan bir toʻda odam bor edi. U ularga buyurdi, ular erning ahlidan bir hakam va xotinning ahlidan bir hakam yubordilar. U ikki hakamga: «Zimmangizdagi narsani bilasizlarmi? Agar ajratishni maʼqul koʻrsangiz, ajratish zimmangizdadir», dedi. Ayol: «Kitobullohga — undagi menga foydali va menga zararli boʻlgan narsaga rozi boʻldim», dedi. Er esa: «Ajralishga kelsak, yoʻq», dedi. Shunda Ali (roziyallohu anhu): «Yolgʻon aytding! Allohga qasamki, toki u iqror boʻlgan narsaga sen ham iqror boʻlmaguningcha (qoʻymayman)», dedi.Убайда Аллоҳнинг: «Агар икковининг ораси бузилишидан қўрқсангиз, эрнинг аҳлидан бир ҳакам ва хотиннинг аҳлидан бир ҳакам юборинглар» деган ояти ҳақида айтди: Али (розияллоҳу анҳу)нинг олдига бир эр ва бир аёл келди; уларнинг ҳар бири билан бир тўда одам бор эди. У уларга буюрди, улар эрнинг аҳлидан бир ҳакам ва хотиннинг аҳлидан бир ҳакам юбордилар. У икки ҳакамга: «Зиммангиздаги нарсани биласизларми? Агар ажратишни маъқул кўрсангиз, ажратиш зиммангиздадир», деди. Аёл: «Китобуллоҳга — ундаги менга фойдали ва менга зарарли бўлган нарсага рози бўлдим», деди. Эр эса: «Ажралишга келсак, йўқ», деди. Шунда Али (розияллоҳу анҳу): «Ёлғон айтдинг! Аллоҳга қасамки, токи у иқрор бўлган нарсага сен ҳам иқрор бўлмагунингча (қўймайман)», деди.