Anas (roziyallohu anhu) aytdi: Abu Talha, Ubay ibn Kaʼb va Suhayl ibn Bayzo Abu Talhaning huzurida xurmo va gʻoʻra xurmodan — yoki: yangi uzilgan xurmodan dedi — (tayyorlangan) ichimlikni ichib oʻtirishardi, men esa ularga oʻsha ichimlikdan quyib berardim, hatto u ularga taʼsir qila boshladi. Shunda musulmonlardan bir kishi oʻtib qoldi va: «Xamr harom qilinganini bildingizmi?», dedi. Ular: «Ey Anas, idishingdagini toʻkib tashla», dedilar va: «Aniqlab olguncha (kutaylik)», demadilar. U aytdi: Men uni toʻkib tashladim. Abu Abdulloh — u Ubaydulloh ibn Abdussamad ibn al-Muhtadiy billohdir — aytdi: Bu xabari vohid amal qilishni vojib qilishiga dalolat qiladi.Анас (розияллоҳу анҳу) айтди: Абу Талҳа, Убай ибн Каъб ва Суҳайл ибн Байзо Абу Талҳанинг ҳузурида хурмо ва ғўра хурмодан — ёки: янги узилган хурмодан деди — (тайёрланган) ичимликни ичиб ўтиришарди, мен эса уларга ўша ичимликдан қуйиб берардим, ҳатто у уларга таъсир қила бошлади. Шунда мусулмонлардан бир киши ўтиб қолди ва: «Хамр ҳаром қилинганини билдингизми?», деди. Улар: «Эй Анас, идишингдагини тўкиб ташла», дедилар ва: «Аниқлаб олгунча (кутайлик)», демадилар. У айтди: Мен уни тўкиб ташладим. Абу Абдуллоҳ — у Убайдуллоҳ ибн Абдуссамад ибн ал-Муҳтадий биллоҳдир — айтди: Бу хабари воҳид амал қилишни вожиб қилишига далолат қилади.