Voil ibn Hujrdan rivoyat qilinadi: Hazramavtlik bir kishi va Kindalik bir kishi Rasululloh ﷺ huzurlariga keldilar. Hazramavtlik: «Yo Rasululloh, bu kishi otamdan qolgan bir yerimni mendan tortib oldi», dedi. Kindalik: «U mening yerim, qoʻlimda, men uni ekaman; uning unda hech haqi yoʻq», dedi. Shunda Rasululloh ﷺ Hazramavtlikka: «Senda bayyina bormi?» dedilar. U: «Yoʻq», dedi. U zot: «Unday boʻlsa, uning qasami», dedilar. U: «Yo Rasululloh, bu kishi nima ustiga qasam ichishidan parvo qilmaydi va hech narsadan tortinmaydi», dedi. U zot: «Senga undan shundan boshqasi yoʻq», dedilar. Shunda u kishi uni qasam ichirish uchun olib ketdi. U orqa oʻgirib ketganda, Rasululloh ﷺ: «Ogoh boʻlki, agar u boshqaning molini zulm bilan yeyish uchun qasam ichsa, albatta Allohga, U Zot undan yuz oʻgirgan holda yoʻliqadi», dedilar.Воил ибн Ҳужрдан ривоят қилинади: Ҳазрамавтлик бир киши ва Киндалик бир киши Расулуллоҳ ﷺ ҳузурларига келдилар. Ҳазрамавтлик: «Ё Расулуллоҳ, бу киши отамдан қолган бир еримни мендан тортиб олди», деди. Киндалик: «У менинг ерим, қўлимда, мен уни экаман; унинг унда ҳеч ҳақи йўқ», деди. Шунда Расулуллоҳ ﷺ Ҳазрамавтликка: «Сенда баййина борми?» дедилар. У: «Йўқ», деди. У зот: «Ундай бўлса, унинг қасами», дедилар. У: «Ё Расулуллоҳ, бу киши нима устига қасам ичишидан парво қилмайди ва ҳеч нарсадан тортинмайди», деди. У зот: «Сенга ундан шундан бошқаси йўқ», дедилар. Шунда у киши уни қасам ичириш учун олиб кетди. У орқа ўгириб кетганда, Расулуллоҳ ﷺ: «Огоҳ бўлки, агар у бошқанинг молини зулм билан ейиш учун қасам ичса, албатта Аллоҳга, У Зот ундан юз ўгирган ҳолда йўлиқади», дедилар.