Jobir ibn Yazid ibn al-Asvad otasidan rivoyat qilib aytdi: Men Rasululloh ﷺ bilan hajlarida hozir boʻldim va u zot bilan Xayf masjidida bomdod namozini oʻqidim. U zot namozini ado etib burilganlarida, qavmning eng orqasida u zot bilan namoz oʻqimagan ikki kishini koʻrib qoldilar-da: «Ularni oldimga keltiringlar», dedilar. Ikkovi yelkalari titragan holda keltirildi. U zot: «Biz bilan namoz oʻqishdan sizlarni nima toʻsdi?» dedilar. Ular: «Yo Rasululloh, biz manzillarimizda oʻqib boʻlgan edik», dedilar. U zot: «Bunday qilmanglar. Manzillaringizda oʻqib, soʻng jamoat masjidiga kelsangiz, ular bilan (birga) oʻqinglar; zero bu sizlar uchun nafl boʻladi», dedilar. Buni Hishom ibn Hasson, Shuʼba va Sharik ham shu isnod bilan shunga oʻxshash rivoyat qilishgan. Sharik oʻz hadisida: «Ulardan biri: ‹Yo Rasululloh, men uchun istigʻfor ayting›, dedi. U zot: ‹Alloh seni magʻfirat qilsin›, dedilar», deb keltirgan.Жобир ибн Язид ибн ал-Асвад отасидан ривоят қилиб айтди: Мен Расулуллоҳ ﷺ билан ҳажларида ҳозир бўлдим ва у зот билан Хайф масжидида бомдод намозини ўқидим. У зот намозини адо этиб бурилганларида, қавмнинг энг орқасида у зот билан намоз ўқимаган икки кишини кўриб қолдилар-да: «Уларни олдимга келтиринглар», дедилар. Иккови елкалари титраган ҳолда келтирилди. У зот: «Биз билан намоз ўқишдан сизларни нима тўсди?» дедилар. Улар: «Ё Расулуллоҳ, биз манзилларимизда ўқиб бўлган эдик», дедилар. У зот: «Бундай қилманглар. Манзилларингизда ўқиб, сўнг жамоат масжидига келсангиз, улар билан (бирга) ўқинглар; зеро бу сизлар учун нафл бўлади», дедилар. Буни Ҳишом ибн Ҳассон, Шуъба ва Шарик ҳам шу иснод билан шунга ўхшаш ривоят қилишган. Шарик ўз ҳадисида: «Улардан бири: ‹Ё Расулуллоҳ, мен учун истиғфор айтинг›, деди. У зот: ‹Аллоҳ сени мағфират қилсин›, дедилар», деб келтирган.