Ibn Umar (roziyallohu anhumo)dan rivoyat qilinadiki, yahudiylar Rasululloh ﷺning huzurlariga oʻzlaridan zino qilgan bir erkak va bir ayolni keltirdilar. U zot: «Sizlardan zino qilgan (kishi)ni nima qilasizlar?» dedilar. Ular: «Biz bu haqda hech narsa topmaymiz», dedilar. Shunda Abdulloh ibn Salom ularga: «Yolgʻon aytdinglar, Tavrotda rajm bordir. Agar rost soʻzlovchi boʻlsanglar, Tavrotni keltirib, uni oʻqinglar», dedi. Ular Tavrotni keltirdilar. Ulardan uni oʻqib beradigan muallim kaftini rajm oyati ustiga qoʻydi. (Abdulloh): «Bu nima?» dedi. Buni koʻrganlarida: «U — rajm oyatidir», dedilar. Shunda Rasululloh ﷺ ikkovi haqida buyurdilar va ular masjid yonidagi janozalar qoʻyiladigan joyga yaqin (yerda) rajm qilindi. Abdulloh aytdi: Men u (erkak)ning uni (ayolni) toshlardan toʻsib, ustiga egilganini koʻrdim.Ибн Умар (розияллоҳу анҳумо)дан ривоят қилинадики, яҳудийлар Расулуллоҳ ﷺнинг ҳузурларига ўзларидан зино қилган бир эркак ва бир аёлни келтирдилар. У зот: «Сизлардан зино қилган (киши)ни нима қиласизлар?» дедилар. Улар: «Биз бу ҳақда ҳеч нарса топмаймиз», дедилар. Шунда Абдуллоҳ ибн Салом уларга: «Ёлғон айтдинглар, Тавротда ражм бордир. Агар рост сўзловчи бўлсанглар, Тавротни келтириб, уни ўқинглар», деди. Улар Тавротни келтирдилар. Улардан уни ўқиб берадиган муаллим кафтини ражм ояти устига қўйди. (Абдуллоҳ): «Бу нима?» деди. Буни кўрганларида: «У — ражм оятидир», дедилар. Шунда Расулуллоҳ ﷺ иккови ҳақида буюрдилар ва улар масжид ёнидаги жанозалар қўйиладиган жойга яқин (ерда) ражм қилинди. Абдуллоҳ айтди: Мен у (эркак)нинг уни (аёлни) тошлардан тўсиб, устига эгилганини кўрдим.