Imron ibn Husayn (roziyallohu anhu)dan rivoyat qilinadiki, Juhayna (qabilasi)dan boʻlgan bir ayol zinodan homilador holda Nabiy ﷺning huzurlariga kelib: «Yo Rasululloh, men had (jazosiga sazovor ish) qildim, uni menga ijro eting», dedi. Rasululloh ﷺ uning valiysini chaqirib: «Bor, unga yaxshi muomalada boʻl, qachon tugʻsa, uni menga olib kel», dedilar. U shunday qildi. Soʻng Rasululloh ﷺ u haqida buyurdilar, shunda uning kiyimlari ustidan (badaniga) bogʻlandi. Keyin u zot buyurdilar va u toshboʻron qilindi. Soʻngra u zot unga janoza oʻqidilar. Shunda Umar: «Yo Rasululloh, u zino qilgan boʻlsa-yu, unga janoza oʻqiysizmi?» dedi. U zot: «U shunday tavba qildiki, agar bu tavba Madina ahlidan yetmish kishi orasida boʻlinsa, hammasiga yetib ortardi. Oʻz joni bilan Alloh uchun jud qilganidan (bergani) ortiqroq narsani topdingmi?» dedilar.Имрон ибн Ҳусайн (розияллоҳу анҳу)дан ривоят қилинадики, Жуҳайна (қабиласи)дан бўлган бир аёл зинодан ҳомиладор ҳолда Набий ﷺнинг ҳузурларига келиб: «Ё Расулуллоҳ, мен ҳад (жазосига сазовор иш) қилдим, уни менга ижро этинг», деди. Расулуллоҳ ﷺ унинг валийсини чақириб: «Бор, унга яхши муомалада бўл, қачон туғса, уни менга олиб кел», дедилар. У шундай қилди. Сўнг Расулуллоҳ ﷺ у ҳақида буюрдилар, шунда унинг кийимлари устидан (баданига) боғланди. Кейин у зот буюрдилар ва у тошбўрон қилинди. Сўнгра у зот унга жаноза ўқидилар. Шунда Умар: «Ё Расулуллоҳ, у зино қилган бўлса-ю, унга жаноза ўқийсизми?» деди. У зот: «У шундай тавба қилдики, агар бу тавба Мадина аҳлидан етмиш киши орасида бўлинса, ҳаммасига етиб ортарди. Ўз жони билан Аллоҳ учун жуд қилганидан (бергани) ортиқроқ нарсани топдингми?» дедилар.