Voil ibn Hujr (roziyallohu anhu) xabar berib, dedi: «Rasululloh ﷺning namozlarini, qanday oʻqishlarini albatta kuzataman», dedim. Bas, u zotga qaradim: turib takbir aytdilar va ikki qoʻllarini quloqlari barobariga kelgunicha koʻtardilar, oʻng qoʻllarini chap kaftlarining usti ustiga qoʻydilar. (Voil) dedi: Soʻng rukuʼ qilmoqchi boʻlganlarida, qoʻllarini yana shundayin koʻtardilar va qoʻllarini tizzalari ustiga qoʻydilar. Soʻng boshlarini koʻtarib, qoʻllarini yana shundayin koʻtardilar. Soʻng sajda qildilar va kaftlarini quloqlari roʻparasiga qoʻydilar. Soʻng oʻtirib, chap oyoqlarini yozdilar, chap kaftlarini chap sonlari va tizzalari ustiga qoʻydilar, oʻng tirsaklarini oʻng sonlari ustiga qoʻydilar. Soʻng ikki barmoqlarini yumib halqa qildilar, soʻng barmoqlarini koʻtardilar — men u zotning uni harakatlantirib, u bilan duo qilayotganlarini koʻrdim. (Voil) dedi: Soʻng shundan keyin sovuq boʻlgan bir paytda keldim va odamlarning ustida qalin kiyimlar borligini, ular qoʻllarini kiyimlari ostidan harakatlantirayotganlarini koʻrdim.Воил ибн Ҳужр (розияллоҳу анҳу) хабар бериб, деди: «Расулуллоҳ ﷺнинг намозларини, қандай ўқишларини албатта кузатаман», дедим. Бас, у зотга қарадим: туриб такбир айтдилар ва икки қўлларини қулоқлари баробарига келгунича кўтардилар, ўнг қўлларини чап кафтларининг усти устига қўйдилар. (Воил) деди: Сўнг рукуъ қилмоқчи бўлганларида, қўлларини яна шундайин кўтардилар ва қўлларини тиззалари устига қўйдилар. Сўнг бошларини кўтариб, қўлларини яна шундайин кўтардилар. Сўнг сажда қилдилар ва кафтларини қулоқлари рўпарасига қўйдилар. Сўнг ўтириб, чап оёқларини ёздилар, чап кафтларини чап сонлари ва тиззалари устига қўйдилар, ўнг тирсакларини ўнг сонлари устига қўйдилар. Сўнг икки бармоқларини юмиб ҳалқа қилдилар, сўнг бармоқларини кўтардилар — мен у зотнинг уни ҳаракатлантириб, у билан дуо қилаётганларини кўрдим. (Воил) деди: Сўнг шундан кейин совуқ бўлган бир пайтда келдим ва одамларнинг устида қалин кийимлар борлигини, улар қўлларини кийимлари остидан ҳаракатлантираётганларини кўрдим.