Abu Suhayl aytdi: Xotinimning zimmasida Masjidul-Haromda uch kun iʼtikof (qilish) bor edi. Men Umar ibn Abdulazizdan soʻradim, uning huzurida Ibn Shihob ham bor edi. Men: «Uning zimmasida roʻza (ham) bormi?» dedim. Ibn Shihob: «Iʼtikof faqat roʻza bilan boʻladi», dedi. Shunda Umar ibn Abdulaziz unga: «Paygʻambar ﷺdanmi?» dedi. U: «Yoʻq», dedi. U: «Abu Bakrdanmi?» dedi. U: «Yoʻq», dedi. U: «Umardanmi?» dedi. U: «Yoʻq», dedi. U: «Usmondanmi?» dedi. U: «Yoʻq», dedi. Shunda Umar: «Men uning zimmasida roʻza bor deb koʻrmayman», dedi. Men chiqib, Tovus bilan Ato ibn Abu Rabohni topdim va ulardan soʻradim. Tovus: «Ibn Abbos (roziyallohu anhu), agar ayolning oʻzi uni oʻz zimmasiga olmagan boʻlsa, unga roʻza (lozim) deb koʻrmas edi», dedi. Ato esa: «Bu mening raʼyimdir», dedi.Абу Суҳайл айтди: Хотинимнинг зиммасида Масжидул-Ҳаромда уч кун иътикоф (қилиш) бор эди. Мен Умар ибн Абдулазиздан сўрадим, унинг ҳузурида Ибн Шиҳоб ҳам бор эди. Мен: «Унинг зиммасида рўза (ҳам) борми?» дедим. Ибн Шиҳоб: «Иътикоф фақат рўза билан бўлади», деди. Шунда Умар ибн Абдулазиз унга: «Пайғамбар ﷺданми?» деди. У: «Йўқ», деди. У: «Абу Бакрданми?» деди. У: «Йўқ», деди. У: «Умарданми?» деди. У: «Йўқ», деди. У: «Усмонданми?» деди. У: «Йўқ», деди. Шунда Умар: «Мен унинг зиммасида рўза бор деб кўрмайман», деди. Мен чиқиб, Товус билан Ато ибн Абу Рабоҳни топдим ва улардан сўрадим. Товус: «Ибн Аббос (розияллоҳу анҳу), агар аёлнинг ўзи уни ўз зиммасига олмаган бўлса, унга рўза (лозим) деб кўрмас эди», деди. Ато эса: «Бу менинг раъйимдир», деди.