Ibn Abbos (roziyallohu anhu) aytdi: Rasululloh ﷺ vafot etganlarida, men ansorlardan bir kishiga: «Ey falonchi, kel, Nabiy ﷺning sahobalaridan soʻraylik, chunki ular bugun koʻpdirlar», dedim. U: «Senga hayronman, ey Ibn Abbos! Odamlar senga muhtoj boʻladi deb oʻylaysanmi? Holbuki odamlar orasida Nabiy ﷺning sahobalaridan oʻzing koʻrib turganlar bor-ku!» dedi. Bas, u buni tark etdi, men esa savol soʻrashga yuzlandim. Bir kishida hadis borligi menga yetsa, uning oldiga kelardim, u qaylula qilayotgan boʻlardi. Men ridomni uning eshigi oldida yostiq qilardim, shamol yuzimga tuproq separdi. U chiqib, meni koʻrardi va: «Ey Rasulullohning amakivachchasi, seni nima keltirdi? Menga odam yuborsang, oʻzim kelardim-ku!» derdi. Men: «Yoʻq, senga men kelishim haqliroq», derdim va undan hadis haqida soʻrardim. (Rovi) aytdi: Oʻsha kishi (uzoq) yashadi, hatto meni odamlar atrofimga toʻplangan holda koʻrdi va: «Bu yigit mendan koʻra aqlliroq ekan», dedi.Ибн Аббос (розияллоҳу анҳу) айтди: Расулуллоҳ ﷺ вафот этганларида, мен ансорлардан бир кишига: «Эй фалончи, кел, Набий ﷺнинг саҳобаларидан сўрайлик, чунки улар бугун кўпдирлар», дедим. У: «Сенга ҳайронман, эй Ибн Аббос! Одамлар сенга муҳтож бўлади деб ўйлайсанми? Ҳолбуки одамлар орасида Набий ﷺнинг саҳобаларидан ўзинг кўриб турганлар бор-ку!» деди. Бас, у буни тарк этди, мен эса савол сўрашга юзландим. Бир кишида ҳадис борлиги менга етса, унинг олдига келардим, у қайлула қилаётган бўларди. Мен ридомни унинг эшиги олдида ёстиқ қилардим, шамол юзимга тупроқ сепарди. У чиқиб, мени кўрарди ва: «Эй Расулуллоҳнинг амакиваччаси, сени нима келтирди? Менга одам юборсанг, ўзим келардим-ку!» дерди. Мен: «Йўқ, сенга мен келишим ҳақлироқ», дердим ва ундан ҳадис ҳақида сўрардим. (Рови) айтди: Ўша киши (узоқ) яшади, ҳатто мени одамлар атрофимга тўпланган ҳолда кўрди ва: «Бу йигит мендан кўра ақллироқ экан», деди.