al-Baro ibn Ozib (roziyallohu anhu)dan rivoyat qilinadi: Nabiy ﷺ yuzi qoraytirilgan, darralangan bir yahudiyning yonidan oʻtdilar. U zot ularni chaqirib: «Kitobingizda zino qilganning haddini shundaymi deb topasizlar?» dedilar. Ular: «Ha», dedilar. Soʻng u zot ularning olimlaridan bir kishini chaqirib: «Musoga Tavrotni nozil qilgan Alloh haqqi, sendan soʻrayman: zino qilganning haddini shundaymi deb topasizlar?» dedilar. U: «Yoʻq. Agar sen meni qasam ichirmaganingda, senga aytmagan boʻlardim. Biz Kitobimizda zino qilganning haddini toshboʻron deb topamiz. Lekin bu bizning obroʻlilarimiz orasida koʻpaygach, obroʻli kishini tutsak, uni qoʻyib yuborar, ojiz kishini tutsak, unga hadni ijro etardik. Soʻng: ‹Kelinglar, obroʻli va oddiy kishiga baravar ijro etadigan bir narsaga kelishaylik› dedik va toshboʻron oʻrniga yuzni qoraytirish va darralashga kelishdik», dedi. Shunda Nabiy ﷺ: «Allohim, ular Sening amringni oʻldirganlarida, uni birinchi boʻlib tiriltirgan menman», dedilar. U zot uni buyurdilar, bas u toshboʻron qilindi.ал-Баро ибн Озиб (розияллоҳу анҳу)дан ривоят қилинади: Набий ﷺ юзи қорайтирилган, дарраланган бир яҳудийнинг ёнидан ўтдилар. У зот уларни чақириб: «Китобингизда зино қилганнинг ҳаддини шундайми деб топасизлар?» дедилар. Улар: «Ҳа», дедилар. Сўнг у зот уларнинг олимларидан бир кишини чақириб: «Мусога Тавротни нозил қилган Аллоҳ ҳаққи, сендан сўрайман: зино қилганнинг ҳаддини шундайми деб топасизлар?» дедилар. У: «Йўқ. Агар сен мени қасам ичирмаганингда, сенга айтмаган бўлардим. Биз Китобимизда зино қилганнинг ҳаддини тошбўрон деб топамиз. Лекин бу бизнинг обрўлиларимиз орасида кўпайгач, обрўли кишини тутсак, уни қўйиб юборар, ожиз кишини тутсак, унга ҳадни ижро этардик. Сўнг: ‹Келинглар, обрўли ва оддий кишига баравар ижро этадиган бир нарсага келишайлик› дедик ва тошбўрон ўрнига юзни қорайтириш ва дарралашга келишдик», деди. Шунда Набий ﷺ: «Аллоҳим, улар Сенинг амрингни ўлдирганларида, уни биринчи бўлиб тирилтирган менман», дедилар. У зот уни буюрдилар, бас у тошбўрон қилинди.