Abu Said al-Xudriy (roziyallohu anhu)dan rivoyat qilinadi: Rasululloh ﷺ oʻrinlaridan turib, odamlarga xutba qildilar va: «Yoʻq, Allohga qasamki, ey odamlar, men sizlar haqingizda faqat Alloh sizlarga chiqarib beradigan dunyoning zebu ziynatidan qoʻrqaman», dedilar. Bir kishi u zotga: «Yo Rasululloh, yaxshilik yomonlik keltiradimi?» dedi. Rasululloh ﷺ bir muddat jim turdilar, soʻng: «Nima deding?» dedilar. U: «Yaxshilik yomonlik keltiradimi, dedim», dedi. Shunda Rasululloh ﷺ: «Albatta, yaxshilik yaxshilikdan boshqa narsa keltirmaydi. Lekin u haqiqatan yaxshimikan? Bahorda oʻsadigan hamma narsa oʻldiradi yoki oʻlimga yaqinlashtiradi, faqat koʻkat yeydigan hayvon bundan mustasno. U toʻyguncha yeydi, ikki biqini toʻlgach quyoshga qarab turadi, tezak va siydik chiqaradi, soʻng kavsh qaytarib, yana qaytib yeyaveradi. Kim molni haqli ravishda olsa, unga barakot beriladi. Kim molni nohaq olsa, uning misoli yeb-yeb toʻymaydigan kishining misoliga oʻxshaydi», dedilar.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ ўринларидан туриб, одамларга хутба қилдилар ва: «Йўқ, Аллоҳга қасамки, эй одамлар, мен сизлар ҳақингизда фақат Аллоҳ сизларга чиқариб берадиган дунёнинг зебу зийнатидан қўрқаман», дедилар. Бир киши у зотга: «Ё Расулуллоҳ, яхшилик ёмонлик келтирадими?» деди. Расулуллоҳ ﷺ бир муддат жим турдилар, сўнг: «Нима дединг?» дедилар. У: «Яхшилик ёмонлик келтирадими, дедим», деди. Шунда Расулуллоҳ ﷺ: «Албатта, яхшилик яхшиликдан бошқа нарса келтирмайди. Лекин у ҳақиқатан яхшимикан? Баҳорда ўсадиган ҳамма нарса ўлдиради ёки ўлимга яқинлаштиради, фақат кўкат ейдиган ҳайвон бундан мустасно. У тўйгунча ейди, икки биқини тўлгач қуёшга қараб туради, тезак ва сийдик чиқаради, сўнг кавш қайтариб, яна қайтиб еяверади. Ким молни ҳақли равишда олса, унга баракот берилади. Ким молни ноҳақ олса, унинг мисоли еб-еб тўймайдиган кишининг мисолига ўхшайди», дедилар.