حَدَّثَنِي أَبُو الطَّاهِرِ، أَخْبَرَنَا عَبْدُ اللَّهِ بْنُ وَهْبٍ، قَالَ أَخْبَرَنِي مَالِكُ بْنُ أَنَسٍ، عَنْ زَيْدِ بْنِ أَسْلَمَ، عَنْ عَطَاءِ بْنِ يَسَارٍ، عَنْ أَبِي سَعِيدٍ الْخُدْرِيِّ، أَنَّ رَسُولَ اللَّهِ صلى الله عليه وسلم قَالَ " أَخْوَفُ مَا أَخَافُ عَلَيْكُمْ مَا يُخْرِجُ اللَّهُ لَكُمْ مِنْ زَهْرَةِ الدُّنْيَا " . قَالُوا وَمَا زَهْرَةُ الدُّنْيَا يَا رَسُولَ اللَّهِ قَالَ " بَرَكَاتُ الأَرْضِ " . قَالُوا يَا رَسُولَ اللَّهِ وَهَلْ يَأْتِي الْخَيْرُ بِالشَّرِّ قَالَ " لاَ يَأْتِي الْخَيْرُ إِلاَّ بِالْخَيْرِ لاَ يَأْتِي الْخَيْرُ إِلاَّ بِالْخَيْرِ لاَ يَأْتِي الْخَيْرُ إِلاَّ بِالْخَيْرِ إِنَّ كُلَّ مَا أَنْبَتَ الرَّبِيعُ يَقْتُلُ أَوْ يُلِمُّ إِلاَّ آكِلَةَ الْخَضِرِ فَإِنَّهَا تَأْكُلُ حَتَّى إِذَا امْتَدَّتْ خَاصِرَتَاهَا اسْتَقْبَلَتِ الشَّمْسَ ثُمَّ اجْتَرَّتْ وَبَالَتْ وَثَلَطَتْ ثُمَّ عَادَتْ فَأَكَلَتْ إِنَّ هَذَا الْمَالَ خَضِرَةٌ حُلْوَةٌ فَمَنْ أَخَذَهُ بِحَقِّهِ وَوَضَعَهُ فِي حَقِّهِ فَنِعْمَ الْمَعُونَةُ هُوَ وَمَنْ أَخَذَهُ بِغَيْرِ حَقِّهِ كَانَ كَالَّذِي يَأْكُلُ وَلاَ يَشْبَعُ " .
Abu Said al-Xudriy (roziyallohu anhu)dan rivoyat qilinadi: Rasululloh ﷺ shunday dedilar: «Men sizlar haqida eng koʻp qoʻrqadigan narsam — Alloh sizlarga dunyo zebu ziynatidan chiqaradigan narsadir». Ular: «Yo Rasululloh, dunyoning zebu ziynati nima?» dedilar. (U zot): «Yerning barakalari (neʼmatlari)», dedilar. Ular: «Yo Rasululloh, yaxshilik yomonlik keltiradimi?» dedilar. (U zot): «Yaxshilik yaxshilikdan boshqa narsa keltirmaydi, yaxshilik yaxshilikdan boshqa narsa keltirmaydi, yaxshilik yaxshilikdan boshqa narsa keltirmaydi. Albatta, bahor undirgan narsalarning hammasi (haddan oshib yegan hayvonni) oʻldiradi yoki oʻlimga yaqinlashtiradi, faqat koʻkat (oʻt) yeydigan (hayvon) bundan mustasno. U yeydi, ikki biqini kerishgach (toʻlgach), quyoshga roʻbaru turib (kavshini) qaytarib chaynaydi, siydigini va tezagini chiqaradi, soʻng yana qaytib yeydi. Albatta, bu mol koʻm-koʻk va shirindir. Bas, kim uni haqi bilan olib, uni oʻz oʻrnida (haq yoʻlda) sarflasa, u naqadar yaxshi yordamchidir. Kim uni nohaq yoʻl bilan olsa, u yeb-yeb toʻymaydigan kishiga oʻxshaydi», dedilar.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ шундай дедилар: «Мен сизлар ҳақида энг кўп қўрқадиган нарсам — Аллоҳ сизларга дунё зебу зийнатидан чиқарадиган нарсадир». Улар: «Ё Расулуллоҳ, дунёнинг зебу зийнати нима?» дедилар. (У зот): «Ернинг баракалари (неъматлари)», дедилар. Улар: «Ё Расулуллоҳ, яхшилик ёмонлик келтирадими?» дедилар. (У зот): «Яхшилик яхшиликдан бошқа нарса келтирмайди, яхшилик яхшиликдан бошқа нарса келтирмайди, яхшилик яхшиликдан бошқа нарса келтирмайди. Албатта, баҳор ундирган нарсаларнинг ҳаммаси (ҳаддан ошиб еган ҳайвонни) ўлдиради ёки ўлимга яқинлаштиради, фақат кўкат (ўт) ейдиган (ҳайвон) бундан мустасно. У ейди, икки биқини керишгач (тўлгач), қуёшга рўбару туриб (кавшини) қайтариб чайнайди, сийдигини ва тезагини чиқаради, сўнг яна қайтиб ейди. Албатта, бу мол кўм-кўк ва шириндир. Бас, ким уни ҳақи билан олиб, уни ўз ўрнида (ҳақ йўлда) сарфласа, у нақадар яхши ёрдамчидир. Ким уни ноҳақ йўл билан олса, у еб-еб тўймайдиган кишига ўхшайди», дедилар.