قَالَ الْيَهُودِيُّ : جِئْتُ أَسْأَلُكَ ، قَالَ لَهُ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَيَنْفَعُكَ إِنْ حَدَّثْتُكَ ؟ " ، قَالَ : أَسْمَعُ بِأُذُنِيَّ ، فَنَكَتَ رَسُولُ اللَّهِ صَلَّى اللَّهُ عَلَيْهِ وَسَلَّمَ بِعُودٍ مَعَهُ ، فَقَالَ : " سَلْ " ، فَقَالَ الْيَهُودِيُّ : أَيْنَ يَكُونُ النَّاسُ يَوْمَ تُبَدَّلُ الأَرْضُ غَيْرَ الأَرْضِ وَالسَّمَوَاتُ ؟ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " فِي الظُّلْمَةِ دُونَ الْجِسْرِ " ، قَالَ : فَمَنْ أَوَّلُ النَّاسِ إِجَازَةً ؟ قَالَ : " فُقَرَاءُ الْمُهَاجِرِينَ " ، قَالَ : فَمَا تُحْفَتُهُمْ حِينَ يَدْخُلُونَ الْجَنَّةَ ؟ قَالَ : " زِيَادَةُ كَبِدِ النُّونِ " ، قَالَ : فَمَا غِذَاؤُهُمْ عَلَى أَثَرِهِ ؟ قَالَ : " يُنْحَرُ لَهُمْ ثَوْرُ الْجَنَّةِ الَّذِي كَانَ يَأْكُلُ مِنْ أَطْرَافِهَا " ، قَالَ : فَمَا شَرَابُهُمْ عَلَيْهِ ؟ قَالَ : " مِنْ عَيْنٍ فِيهَا تُسَمَّى سَلْسَبِيلا " ، قَالَ : صَدَقْتَ , وَجِئْتُ أَسْأَلُكَ عَنْ شَيْءٍ لا يَعْلَمُهُ مِنْ أَهْلِ الأَرْضِ إِلا نَبِيٌّ أَوْ رَجُلٌ أَوْ رَجُلانِ
Yahudiy: «Men sendan soʻragani keldim», dedi. Rasululloh ﷺ unga: «Agar senga aytsam, senga foyda beradimi?» dedilar. U: «Men ikki qulogʻim bilan eshitaman», dedi. Bas, Rasululloh ﷺ oʻzlari bilan (boʻlgan) bir choʻp bilan (yerga) chizdilar-da: «Soʻra», dedilar. Yahudiy: «Yer boshqa yerga, osmonlar (boshqa osmonlarga) almashtiriladigan kunda odamlar qayerda boʻladi?» dedi. Rasululloh ﷺ: «Jisr (koʻprik)ning berisida — zulmatda (boʻladilar)», dedilar. U: «Odamlardan birinchi boʻlib kim oʻtadi?» dedi. U zot: «Muhojirlarning faqirlari», dedilar. U: «Ular jannatga kirgan paytlarida ularning tuhfasi nima boʻladi?» dedi. U zot: «Baliq jigarining ortiqcha (boʻlagi)», dedilar. U: «Uning ortidan ularning gizosi nima boʻladi?» dedi. U zot: «Ular uchun jannatning — uning chetlaridan yeb yurgan — buqasi soʻyiladi», dedilar. U: «Uning ustidan ularning ichimligi nima boʻladi?» dedi. U zot: «Unda ‹Salsabil› deb ataladigan bir buloqdan (ichadilar)», dedilar. U: «Toʻgʻri aytding», dedi va: «Yana men sendan — yer ahlidan hech kim bilmaydigan, faqat paygʻambar yoki bir yo ikki kishidan boshqa (bilmaydigan) — bir narsani soʻragani keldim», dedi.Яҳудий: «Мен сендан сўрагани келдим», деди. Расулуллоҳ ﷺ унга: «Агар сенга айтсам, сенга фойда берадими?» дедилар. У: «Мен икки қулоғим билан эшитаман», деди. Бас, Расулуллоҳ ﷺ ўзлари билан (бўлган) бир чўп билан (ерга) чиздилар-да: «Сўра», дедилар. Яҳудий: «Ер бошқа ерга, осмонлар (бошқа осмонларга) алмаштириладиган кунда одамлар қаерда бўлади?» деди. Расулуллоҳ ﷺ: «Жиср (кўприк)нинг берисида — зулматда (бўладилар)», дедилар. У: «Одамлардан биринчи бўлиб ким ўтади?» деди. У зот: «Муҳожирларнинг фақирлари», дедилар. У: «Улар жаннатга кирган пайтларида уларнинг туҳфаси нима бўлади?» деди. У зот: «Балиқ жигарининг ортиқча (бўлаги)», дедилар. У: «Унинг ортидан уларнинг гизоси нима бўлади?» деди. У зот: «Улар учун жаннатнинг — унинг четларидан еб юрган — буқаси сўйилади», дедилар. У: «Унинг устидан уларнинг ичимлиги нима бўлади?» деди. У зот: «Унда ‹Салсабил› деб аталадиган бир булоқдан (ичадилар)», дедилар. У: «Тўғри айтдинг», деди ва: «Яна мен сендан — ер аҳлидан ҳеч ким билмайдиган, фақат пайғамбар ёки бир ё икки кишидан бошқа (билмайдиган) — бир нарсани сўрагани келдим», деди.