Anas ibn Molik (roziyallohu anhu) dedi: Rasululloh ﷺ (Madinaga) kelganlarida, namoz vaqti kirgan joyda namoz oʻqiyverar, hatto qoʻy qoʻtonlarida ham namoz oʻqir edilar. Soʻng masjid (qurishga) buyurdilar va Banu Najjorning kattalariga odam yubordilar, ular keldilar. U zot: «Ey Banu Najjor, bu bogʻingizni menga baholab beringlar», dedilar. Ular: ‹Yoʻq, Allohga qasamki, biz uning bahosini faqat Allohdan soʻraymiz›, dedilar. Anas dedi: Unda mushriklarning qabrlari bor edi, unda vayronalar bor edi va unda xurmolar bor edi. Rasululloh ﷺ mushriklarning qabrlariga buyurdilar, ular kavlab olindi; vayronalarga buyurdilar, ular tekislandi; xurmolarga buyurdilar, ular kesildi. Soʻng xurmolarni masjidning qiblasi tomon tizib qoʻydilar. U zot: «Uning ikki tomonini toshdan qilinglar», dedilar.Анас ибн Молик (розияллоҳу анҳу) деди: Расулуллоҳ ﷺ (Мадинага) келганларида, намоз вақти кирган жойда намоз ўқийверар, ҳатто қўй қўтонларида ҳам намоз ўқир эдилар. Сўнг масжид (қуришга) буюрдилар ва Бану Нажжорнинг катталарига одам юбордилар, улар келдилар. У зот: «Эй Бану Нажжор, бу боғингизни менга баҳолаб беринглар», дедилар. Улар: ‹Йўқ, Аллоҳга қасамки, биз унинг баҳосини фақат Аллоҳдан сўраймиз›, дедилар. Анас деди: Унда мушрикларнинг қабрлари бор эди, унда вайроналар бор эди ва унда хурмолар бор эди. Расулуллоҳ ﷺ мушрикларнинг қабрларига буюрдилар, улар кавлаб олинди; вайроналарга буюрдилар, улар текисланди; хурмоларга буюрдилар, улар кесилди. Сўнг хурмоларни масжиднинг қибласи томон тизиб қўйдилар. У зот: «Унинг икки томонини тошдан қилинглар», дедилар.