Anas ibn Molik (roziyallohu anhu)dan rivoyat qilinadi: Rasululloh ﷺ juma kuni turib, orqalarini masjidda tiklangan xurmo tanasiga suyab xutba qilar edilar. Bir rumlik kelib: «Sizga shunday narsa yasab bermaylikmi — oʻtirasiz-u, xuddi tik turgandek boʻlasiz?» dedi. Bas, u zotga ikki zinali minbar yasadi, u zot uchinchisiga oʻtirar edilar. Allohning Nabiysi ﷺ minbarga oʻtirganlarida, xurmo tanasi buqa boʻkirganidek boʻkirdi, hatto Rasululloh ﷺ dan ayrilgani gʻamidan uning boʻkirishidan masjid larzaga keldi. Shunda Rasululloh ﷺ minbardan tushib, uning oldiga bordilar va u boʻkirayotgan holda uni quchoqladilar; Rasululloh ﷺ uni quchoqlaganlarida, u tindi. Soʻng u zot: «Jonim qoʻlida boʻlgan Zotga qasamki, agar men uni quchoqlamaganimda, u Rasululloh ﷺ dan ayrilgani gʻamidan Qiyomat qoim boʻlgunicha shu holda qolar edi», dedilar. Soʻng Rasululloh ﷺ buyurdilar va u — yaʼni xurmo tanasi — koʻmildi. Jobirning xabarida esa: Nabiy ﷺ: «Albatta, bu oʻzi mahrum boʻlgan zikr uchun yigʻladi», dedilar, deyilgan.Анас ибн Молик (розияллоҳу анҳу)дан ривоят қилинади: Расулуллоҳ ﷺ жума куни туриб, орқаларини масжидда тикланган хурмо танасига суяб хутба қилар эдилар. Бир румлик келиб: «Сизга шундай нарса ясаб бермайликми — ўтирасиз-у, худди тик тургандек бўласиз?» деди. Бас, у зотга икки зинали минбар ясади, у зот учинчисига ўтирар эдилар. Аллоҳнинг Набийси ﷺ минбарга ўтирганларида, хурмо танаси буқа бўкирганидек бўкирди, ҳатто Расулуллоҳ ﷺ дан айрилгани ғамидан унинг бўкиришидан масжид ларзага келди. Шунда Расулуллоҳ ﷺ минбардан тушиб, унинг олдига бордилар ва у бўкираётган ҳолда уни қучоқладилар; Расулуллоҳ ﷺ уни қучоқлаганларида, у тинди. Сўнг у зот: «Жоним қўлида бўлган Зотга қасамки, агар мен уни қучоқламаганимда, у Расулуллоҳ ﷺ дан айрилгани ғамидан Қиёмат қоим бўлгунича шу ҳолда қолар эди», дедилар. Сўнг Расулуллоҳ ﷺ буюрдилар ва у — яъни хурмо танаси — кўмилди. Жобирнинг хабарида эса: Набий ﷺ: «Албатта, бу ўзи маҳрум бўлган зикр учун йиғлади», дедилар, дейилган.