Jarir ibn Abdulloh (roziyallohu anhu)dan rivoyat qilinadi: Rasululloh ﷺning shahrilariga yaqinlashganimda, tuyamni choʻktirdim, xurjinimni yechib, hullamni kiydim va kirdim, Rasululloh ﷺ esa xutba qilayotgan edilar. Rasululloh ﷺ menga salom berdilar, odamlar esa menga koʻzlarini tikib qarab qolishdi. Men yonimda oʻtirgan kishiga: «Ey Abdulloh, Rasululloh ﷺ mening ishim haqida biror narsa aytdilarmi?» dedim. U: «Ha, seni eng yaxshi zikr bilan zikr qildilar. U zot xutba qilib turganlarida, xutbalari orasida sening zikring kelib qoldi va: ‹Albatta, sizlarning oldingizga mana bu eshikdan yoki mana bu yoʻldan Yaman ahlining eng yaxshisi kiradi va uning yuzida farishta silagan iz bordir›, dedilar», dedi. U dedi: Men Alloh menga ato etgan narsa uchun Unga hamd aytdim.Жарир ибн Абдуллоҳ (розияллоҳу анҳу)дан ривоят қилинади: Расулуллоҳ ﷺнинг шаҳриларига яқинлашганимда, туямни чўктирдим, хуржинимни ечиб, ҳулламни кийдим ва кирдим, Расулуллоҳ ﷺ эса хутба қилаётган эдилар. Расулуллоҳ ﷺ менга салом бердилар, одамлар эса менга кўзларини тикиб қараб қолишди. Мен ёнимда ўтирган кишига: «Эй Абдуллоҳ, Расулуллоҳ ﷺ менинг ишим ҳақида бирор нарса айтдиларми?» дедим. У: «Ҳа, сени энг яхши зикр билан зикр қилдилар. У зот хутба қилиб турганларида, хутбалари орасида сенинг зикринг келиб қолди ва: ‹Албатта, сизларнинг олдингизга мана бу эшикдан ёки мана бу йўлдан Яман аҳлининг энг яхшиси киради ва унинг юзида фаришта силаган из бордир›, дедилар», деди. У деди: Мен Аллоҳ менга ато этган нарса учун Унга ҳамд айтдим.