Baro (roziyallohu anhu)dan rivoyat qilinadi: U dedi: Muhammad ﷺning sahobalari roʻzador boʻlib, iftor vaqti kirganda, biror kishi iftor qilishdan oldin uxlab qolsa, oʻsha kechasi ham, ertasi kuni ham kech kirgunga qadar hech narsa yemas edi. Qays ibn Sirma roʻzador edi. Iftor vaqti kirgach, u xotinining oldiga kelib: «Sende yegulik bormi?» dedi. U: «Yoʻq, lekin men qidirib kelaman», dedi va unga (taom) qidirdi. U kunduzi ishlagan edi, koʻzini uyqu bosib qoldi. Xotini kelib: «Qolding-a noumid boʻlib!» dedi. Ertasi kuni tush boʻlganda u behush boʻlib yiqildi. Bu Nabiy ﷺga zikr qilindi. Shunda mana bu oyat nozil boʻldi: {Roʻza kechasida xotinlaringizga yaqinlashish sizlarga halol qilindi}. Bundan ular nihoyatda sevindilar. Soʻng: {Tongning oq ipi qora ipdan ajralib koʻringuncha yeb-iching}, dedi.Баро (розияллоҳу анҳу)дан ривоят қилинади: У деди: Муҳаммад ﷺнинг саҳобалари рўзадор бўлиб, ифтор вақти кирганда, бирор киши ифтор қилишдан олдин ухлаб қолса, ўша кечаси ҳам, эртаси куни ҳам кеч киргунга қадар ҳеч нарса емас эди. Қайс ибн Сирма рўзадор эди. Ифтор вақти киргач, у хотинининг олдига келиб: «Сенде егулик борми?» деди. У: «Йўқ, лекин мен қидириб келаман», деди ва унга (таом) қидирди. У кундузи ишлаган эди, кўзини уйқу босиб қолди. Хотини келиб: «Қолдинг-а ноумид бўлиб!» деди. Эртаси куни туш бўлганда у беҳуш бўлиб йиқилди. Бу Набий ﷺга зикр қилинди. Шунда мана бу оят нозил бўлди: {Рўза кечасида хотинларингизга яқинлашиш сизларга ҳалол қилинди}. Бундан улар ниҳоятда севиндилар. Сўнг: {Тонгнинг оқ ипи қора ипдан ажралиб кўрингунча еб-ичинг}, деди.