Ibn Abbos (roziyallohu anhumo)dan rivoyat qilinadi: Biz Rasululloh ﷺ bilan Makka va Madina orasida yurdik. Bir vodiydan oʻtdik, u zot: «Bu qaysi vodiy?» dedilar. Ular: «Azraq vodiysi», dedilar. U zot: «Goʻyo men Musoga qarab turgandayman», dedilar — va uning rangi hamda sochidan Dovud yodlay olmagan bir narsani zikr qildilar —: «...ikki barmogʻini ikki qulogʻiga qoʻygan, Allohga talbiya bilan nido qilgan holda mana shu vodiydan oʻtib borar edi». (Ibn Abbos) dedi: Soʻng yurdik, toki bir dovonga keldik. U zot: «Bu qaysi dovon?» dedilar. Ular: «U falon narsa yoki shundaydir», dedilar. U zot: «Goʻyo men Yunusga qizil bir tuya ustida qarab turgandayman: ustida jundan jubba, tuyasining jilovi xurmo tolasidan, mana shu vodiydan talbiya aytib oʻtib borar edi», dedilar.Ибн Аббос (розияллоҳу анҳумо)дан ривоят қилинади: Биз Расулуллоҳ ﷺ билан Макка ва Мадина орасида юрдик. Бир водийдан ўтдик, у зот: «Бу қайси водий?» дедилар. Улар: «Азрақ водийси», дедилар. У зот: «Гўё мен Мусога қараб тургандайман», дедилар — ва унинг ранги ҳамда сочидан Довуд ёдлай олмаган бир нарсани зикр қилдилар —: «...икки бармоғини икки қулоғига қўйган, Аллоҳга талбия билан нидо қилган ҳолда мана шу водийдан ўтиб борар эди». (Ибн Аббос) деди: Сўнг юрдик, токи бир довонга келдик. У зот: «Бу қайси довон?» дедилар. Улар: «У фалон нарса ёки шундайдир», дедилар. У зот: «Гўё мен Юнусга қизил бир туя устида қараб тургандайман: устида жундан жубба, туясининг жилови хурмо толасидан, мана шу водийдан талбия айтиб ўтиб борар эди», дедилар.