Ibn Abbos (roziyallohu anhumo)dan rivoyat qilinadiki, Nabiy ﷺ Makkadan qaytdilar. Ravhoga yetganlarida u zotga bir yoʻlovchi guruh roʻpara keldi. U zot ularga salom berib: «Bu qavm kimlar?» dedilar. (Biri): «Musulmonlarmiz. Sizlar kimsizlar?» dedi. (Sahobalar): «Rasululloh ﷺ», dedilar. Shunda ulardan bir ayol hovliqib ketib, kajavadan bolasini koʻtardi va uning bilagidan ushlab: «Yo Rasululloh, bunga haj bormi?» dedi. U zot: «Ha, uning ajri senga ham bordir», dedilar. Ibrohim dedi: Men bu hadisni Ibnul-Munkadirga aytib berdim, u ahli-ayolini toʻliq hajga olib bordi. Bizga Ali ibn Xashram ham aytib berdi, u: «Hovliqib ketdim», demadi va: U (ayol): «Bunga haj bormi?» dedi, u zot: «Senga ham ajr bor», dedilar, deb keltirdi.Ибн Аббос (розияллоҳу анҳумо)дан ривоят қилинадики, Набий ﷺ Маккадан қайтдилар. Равҳога етганларида у зотга бир йўловчи гуруҳ рўпара келди. У зот уларга салом бериб: «Бу қавм кимлар?» дедилар. (Бири): «Мусулмонлармиз. Сизлар кимсизлар?» деди. (Саҳобалар): «Расулуллоҳ ﷺ», дедилар. Шунда улардан бир аёл ҳовлиқиб кетиб, кажавадан боласини кўтарди ва унинг билагидан ушлаб: «Ё Расулуллоҳ, бунга ҳаж борми?» деди. У зот: «Ҳа, унинг ажри сенга ҳам бордир», дедилар. Иброҳим деди: Мен бу ҳадисни Ибнул-Мункадирга айтиб бердим, у аҳли-аёлини тўлиқ ҳажга олиб борди. Бизга Али ибн Хашрам ҳам айтиб берди, у: «Ҳовлиқиб кетдим», демади ва: У (аёл): «Бунга ҳаж борми?» деди, у зот: «Сенга ҳам ажр бор», дедилар, деб келтирди.