Abu Hurayra (roziyallohu anhu)dan rivoyat qilinadi: Rasululloh ﷺ: «Biz (ummatlar ichida kelishda) eng oxirgimiz, lekin Qiyomat kuni (hammadan) oldingi boʻlamiz. Ularga bizdan oldin (muqaddas) kitob berilgan, bizga ular(dan) keyin Qurʼon berilgan. Bu — ular ixtilof qilgan kun (juma) edi va Alloh bizga (unga) hidoyat berdi. Bas, ertaga (yaʼni shanba) — yahudiylarning (kuni), indinga (yaʼni yakshanba) — nasroniylarning (kuni)dir», — dedilar. Paygʻambar ﷺ (bir oz) jim turdilar, soʻng: «Har bir musulmonga — yetti kunda bir marta — gusl qilish, boshini va badanini yuvish vojibdir», — dedilar.Абу Ҳурайра (розияллоҳу анҳу)дан ривоят қилинади: Расулуллоҳ ﷺ: «Биз (умматлар ичида келишда) энг охиргимиз, лекин Қиёмат куни (ҳаммадан) олдинги бўламиз. Уларга биздан олдин (муқаддас) китоб берилган, бизга улар(дан) кейин Қуръон берилган. Бу — улар ихтилоф қилган кун (жума) эди ва Аллоҳ бизга (унга) ҳидоят берди. Бас, эртага (яъни шанба) — яҳудийларнинг (куни), индинга (яъни якшанба) — насронийларнинг (куни)дир», — дедилар. Пайғамбар ﷺ (бир оз) жим турдилар, сўнг: «Ҳар бир мусулмонга — етти кунда бир марта — гусл қилиш, бошини ва баданини ювиш вожибдир», — дедилар.