Abdulloh ibn Abbos (roziyallohu anhumo)dan rivoyat qilinadi: U Rasululloh ﷺ ning huzurlarida uxlagan edi. (Rasululloh ﷺ) uygʻonib, misvok qilib, tahorat oldilar va: {Albatta, osmonlaru yerning yaratilishida hamda kecha va kunduzning almashinib turishida aql egalari uchun (Allohning borligi va qudratiga) oyat-belgilar bordir} (Oli Imron 190) deyar edilar. Bu oyatlarni surani tugatgunlarigacha oʻqidilar. Soʻng turib, ikki rakaat namoz oʻqidilar va ularda qiyomni, rukuni va sajdani uzaytirdilar. Soʻng (namozdan) chiqib, xurrak otib uxlagunlaricha uxladilar. Soʻng buni uch marta, oltita rakaatni shu (tarzda) qildilar; har safar misvok qilar, tahorat olar va bu oyatlarni oʻqir edilar. Soʻng uch (rakaat) bilan vitr oʻqidilar. Soʻng muazzin azon aytdi va u (zot) namozga chiqayotib: «Allohim! Qalbimga nur ato et, tilimga nur ato et, qulogʻimga nur ato et, koʻzimga nur ato et, orqamga nur ato et, oldimga nur ato et, ustimga nur ato et va tagimga nur ato et. Allohim! Menga nur ato et», deyar edilar.Абдуллоҳ ибн Аббос (розияллоҳу анҳумо)дан ривоят қилинади: У Расулуллоҳ ﷺ нинг ҳузурларида ухлаган эди. (Расулуллоҳ ﷺ) уйғониб, мисвок қилиб, таҳорат олдилар ва: {Албатта, осмонлару ернинг яратилишида ҳамда кеча ва кундузнинг алмашиниб туришида ақл эгалари учун (Аллоҳнинг борлиги ва қудратига) оят-белгилар бордир} (Оли Имрон 190) деяр эдилар. Бу оятларни сурани тугатгунларигача ўқидилар. Сўнг туриб, икки ракаат намоз ўқидилар ва уларда қиёмни, рукуни ва саждани узайтирдилар. Сўнг (намоздан) чиқиб, хуррак отиб ухлагунларича ухладилар. Сўнг буни уч марта, олтита ракаатни шу (тарзда) қилдилар; ҳар сафар мисвок қилар, таҳорат олар ва бу оятларни ўқир эдилар. Сўнг уч (ракаат) билан витр ўқидилар. Сўнг муаззин азон айтди ва у (зот) намозга чиқаётиб: «Аллоҳим! Қалбимга нур ато эт, тилимга нур ато эт, қулоғимга нур ато эт, кўзимга нур ато эт, орқамга нур ато эт, олдимга нур ато эт, устимга нур ато эт ва тагимга нур ато эт. Аллоҳим! Менга нур ато эт», деяр эдилар.