Bu hadis Bahz ibn Hakim (rahimahulloh)dan ham oʻz isnodi bilan rivoyat qilingan. Unda u shunday dedi: «U zot xuftonni oʻqir, soʻng oʻrinlariga borar edilar» — toʻrt rakaatni zikr qilmadi — va hadisni davom ettirib, unda shunday dedi: «U zot sakkiz rakaat oʻqir, ularda qiroat, rukuʼ va sajdani teng (baravar) qilar, faqat sakkizinchisida oʻtirgunlaricha ularning birortasida oʻtirmas edilar. Darhaqiqat, u zot oʻtirar, soʻng salom bermay turar, keyin vitr qilib bir rakaat oʻqir, soʻng ovozlarini koʻtarib bizni uygʻotadigan darajada bir marta salom berar edilar» — soʻng (roviy) shu maʼnoda (hadisni) davom ettirdi.Бу ҳадис Баҳз ибн Ҳаким (раҳимаҳуллоҳ)дан ҳам ўз исноди билан ривоят қилинган. Унда у шундай деди: «У зот хуфтонни ўқир, сўнг ўринларига борар эдилар» — тўрт ракаатни зикр қилмади — ва ҳадисни давом эттириб, унда шундай деди: «У зот саккиз ракаат ўқир, уларда қироат, рукуъ ва саждани тенг (баравар) қилар, фақат саккизинчисида ўтиргунларича уларнинг бирортасида ўтирмас эдилар. Дарҳақиқат, у зот ўтирар, сўнг салом бермай турар, кейин витр қилиб бир ракаат ўқир, сўнг овозларини кўтариб бизни уйғотадиган даражада бир марта салом берар эдилар» — сўнг (ровий) шу маънода (ҳадисни) давом эттирди.