Oisha (roziyallohu anho)dan rivoyat qilinadi: Paygʻambar ﷺ ga Ibn Horisa (Zayd), Jaʼfar va Ibn Ravohaning shahid boʻlgani haqidagi xabar yetganda, u zot oʻtirib, gʻamgin koʻrindilar — men u zotga eshik tirqishidan qarab turgan edim. Bir kishi kelib, u zotga Jaʼfarning ayollari yigʻlayapti, deb aytdi. Paygʻambar ﷺ uni — ularni qaytarishga — buyurdilar. U kishi borib, qaytib kelib, ularga aytganini, lekin ular unga quloq solmaganini aytdi. Paygʻambar ﷺ: «Ularni qaytar», — dedilar. Bas, u yana borib, uchinchi marta qaytib kelib: «Yo Rasululloh, Allohga qasamki, ular bizga aslo quloq solmadi», — dedi. (Oisha qoʻshdi:) Rasululloh ﷺ unga — borib, ularning ogʻziga tuproq solishni — buyurdilar. Men (oʻsha kishiga): «Alloh burningni tuproqqa (qorib) tiqsin (yaʼni seni xor qilsin)! Sen na Rasululloh ﷺ ning amrini bajara olding, na Rasululloh ﷺ ni charchoqdan xalos qil(a ol)ding», — dedim.Оиша (розияллоҳу анҳо)дан ривоят қилинади: Пайғамбар ﷺ га Ибн Ҳориса (Зайд), Жаъфар ва Ибн Равоҳанинг шаҳид бўлгани ҳақидаги хабар етганда, у зот ўтириб, ғамгин кўриндилар — мен у зотга эшик тирқишидан қараб турган эдим. Бир киши келиб, у зотга Жаъфарнинг аёллари йиғлаяпти, деб айтди. Пайғамбар ﷺ уни — уларни қайтаришга — буюрдилар. У киши бориб, қайтиб келиб, уларга айтганини, лекин улар унга қулоқ солмаганини айтди. Пайғамбар ﷺ: «Уларни қайтар», — дедилар. Бас, у яна бориб, учинчи марта қайтиб келиб: «Ё Расулуллоҳ, Аллоҳга қасамки, улар бизга асло қулоқ солмади», — деди. (Оиша қўшди:) Расулуллоҳ ﷺ унга — бориб, уларнинг оғзига тупроқ солишни — буюрдилар. Мен (ўша кишига): «Аллоҳ бурнингни тупроққа (қориб) тиқсин (яъни сени хор қилсин)! Сен на Расулуллоҳ ﷺ нинг амрини бажара олдинг, на Расулуллоҳ ﷺ ни чарчоқдан халос қил(а ол)динг», — дедим.