Abu Ayyub al-Ansoriy (roziyallohu anhu)dan rivoyat qilinadi: Bir aʼrobiy (badaviy) Rasululloh ﷺ safarda ekanlarida U Zotning roʻparalaridan chiqib, U Zotning tuyasining yuganidan (yoki jilovidan) ushladi-da: «Ey Allohning Rasuli — yoki: Ey Muhammad — menga meni jannatga yaqinlashtiradigan va doʻzaxdan uzoqlashtiradigan narsani aytib bering», dedi. (Abu Ayyub) dedi: Shunda Paygʻambar ﷺ (bir zum) toʻxtab, soʻng ashoblariga qaradilar, keyin: «(Bu kishi) muvaffaq boʻldi — yoki: hidoyat topdi», dedilar. (Soʻng): «Sen qanday deding?» dedilar. (U) qaytarib (aytdi). Shunda Paygʻambar ﷺ: «Allohga ibodat qilasan, Unga hech narsani sherik qilmaysan, namozni toʻkis ado etasan, zakot berasan va qarindoshlik aloqasini (silai rahmni) ulaysan. (Endi) tuyani qoʻyib yubor», dedilar.Абу Айюб ал-Ансорий (розияллоҳу анҳу)дан ривоят қилинади: Бир аъробий (бадавий) Расулуллоҳ ﷺ сафарда эканларида У Зотнинг рўпараларидан чиқиб, У Зотнинг туясининг юганидан (ёки жиловидан) ушлади-да: «Эй Аллоҳнинг Расули — ёки: Эй Муҳаммад — менга мени жаннатга яқинлаштирадиган ва дўзахдан узоқлаштирадиган нарсани айтиб беринг», деди. (Абу Айюб) деди: Шунда Пайғамбар ﷺ (бир зум) тўхтаб, сўнг ашобларига қарадилар, кейин: «(Бу киши) муваффақ бўлди — ёки: ҳидоят топди», дедилар. (Сўнг): «Сен қандай дединг?» дедилар. (У) қайтариб (айтди). Шунда Пайғамбар ﷺ: «Аллоҳга ибодат қиласан, Унга ҳеч нарсани шерик қилмайсан, намозни тўкис адо этасан, закот берасан ва қариндошлик алоқасини (силаи раҳмни) улайсан. (Энди) туяни қўйиб юбор», дедилар.