Oisha (roziyallohu anho)dan rivoyat qilinadi: U (Oisha) huzurida Ibn Umar Nabiy ﷺ ga marfuʼ qilib «Albatta, mayyit qabrida oilasining unga yigʻlashi sababli azoblanadi», (degan hadisni) keltirayotgani zikr qilindi. Shunda u (Oisha): «(Ibn Umar) yanglishibdi. Aslida Rasululloh ﷺ: ‹Albatta, u oʻz xatosi yoki gunohi tufayli azoblanmoqda, oilasi esa hozir unga yigʻlamoqda›, — degan edilar», — dedi. Bu xuddi uning (Ibn Umarning) shu soʻziga oʻxshaydi: Rasululloh ﷺ Badr kuni quduq ustida turdilar, uning ichida esa mushriklardan Badrda oʻldirilganlar (yotar) edi. U zot ularga aytadiganlarini aytdilar: «Albatta, ular men aytayotgan narsani eshitmoqdalar», (deb). Holbuki, u (Ibn Umar) yanglishibdi. Aslida u zot: «Albatta, ular men ularga aytayotgan narsam haq ekanini bilmoqdalar», — degan edilar. Soʻng u (Oisha): {Albatta, sen oʻliklarga eshittira olmaysan} (Naml 80) {Sen qabrlardagi kishilarga ham eshittiruvchi emassan} (Fotir 22), deb tilovat qildi va: «(Bu) ular doʻzaxdagi joylaridan oʻrin olganlarida (aytadi)», — dedi.Оиша (розияллоҳу анҳо)дан ривоят қилинади: У (Оиша) ҳузурида Ибн Умар Набий ﷺ га марфуъ қилиб «Албатта, маййит қабрида оиласининг унга йиғлаши сабабли азобланади», (деган ҳадисни) келтираётгани зикр қилинди. Шунда у (Оиша): «(Ибн Умар) янглишибди. Аслида Расулуллоҳ ﷺ: ‹Албатта, у ўз хатоси ёки гуноҳи туфайли азобланмоқда, оиласи эса ҳозир унга йиғламоқда›, — деган эдилар», — деди. Бу худди унинг (Ибн Умарнинг) шу сўзига ўхшайди: Расулуллоҳ ﷺ Бадр куни қудуқ устида турдилар, унинг ичида эса мушриклардан Бадрда ўлдирилганлар (ётар) эди. У зот уларга айтадиганларини айтдилар: «Албатта, улар мен айтаётган нарсани эшитмоқдалар», (деб). Ҳолбуки, у (Ибн Умар) янглишибди. Аслида у зот: «Албатта, улар мен уларга айтаётган нарсам ҳақ эканини билмоқдалар», — деган эдилар. Сўнг у (Оиша): {Албатта, сен ўликларга эшиттира олмайсан} (Намл 80) {Сен қабрлардаги кишиларга ҳам эшиттирувчи эмассан} (Фотир 22), деб тиловат қилди ва: «(Бу) улар дўзахдаги жойларидан ўрин олганларида (айтади)», — деди.