حَدَّثَنِي إِسْحَاقُ بْنُ مَنْصُورٍ، أَخْبَرَنَا عُبَيْدُ اللَّهِ بْنُ مُوسَى، عَنْ شَيْبَانَ، عَنْ يَحْيَى، أَخْبَرَنِي أَبُو سَلَمَةَ، أَنَّهُ سَمِعَ أَبَا هُرَيْرَةَ، يَقُولُ إِنَّ خُزَاعَةَ قَتَلُوا رَجُلاً مِنْ بَنِي لَيْثٍ عَامَ فَتْحِ مَكَّةَ بِقَتِيلٍ مِنْهُمْ قَتَلُوهُ فَأُخْبِرَ بِذَلِكَ رَسُولُ اللَّهِ صلى الله عليه وسلم فَرَكِبَ رَاحِلَتَهُ فَخَطَبَ فَقَالَ " إِنَّ اللَّهَ عَزَّ وَجَلَّ حَبَسَ عَنْ مَكَّةَ الْفِيلَ وَسَلَّطَ عَلَيْهَا رَسُولَهُ وَالْمُؤْمِنِينَ أَلاَ وَإِنَّهَا لَمْ تَحِلَّ لأَحَدٍ قَبْلِي وَلَنْ تَحِلَّ لأَحَدٍ بَعْدِي أَلاَ وَإِنَّهَا أُحِلَّتْ لِي سَاعَةً مِنَ النَّهَارِ أَلاَ وَإِنَّهَا سَاعَتِي هَذِهِ حَرَامٌ لاَ يُخْبَطُ شَوْكُهَا وَلاَ يُعْضَدُ شَجَرُهَا وَلاَ يَلْتَقِطُ سَاقِطَتَهَا إِلاَّ مُنْشِدٌ وَمَنْ قُتِلَ لَهُ قَتِيلٌ فَهُوَ بِخَيْرِ النَّظَرَيْنِ إِمَّا أَنْ يُعْطَى - يَعْنِي الدِّيَةَ - وَإِمَّا أَنْ يُقَادَ أَهْلُ الْقَتِيلِ " . قَالَ فَجَاءَ رَجُلٌ مِنْ أَهْلِ الْيَمَنِ يُقَالُ لَهُ أَبُو شَاهٍ فَقَالَ اكْتُبْ لِي يَا رَسُولَ اللَّهِ . فَقَالَ " اكْتُبُوا لأَبِي شَاهٍ " . فَقَالَ رَجُلٌ مِنْ قُرَيْشٍ إِلاَّ الإِذْخِرَ فَإِنَّا نَجْعَلُهُ فِي بُيُوتِنَا وَقُبُورِنَا . فَقَالَ رَسُولُ اللَّهِ صلى الله عليه وسلم " إِلاَّ الإِذْخِرَ " .
Abu Hurayra (roziyallohu anhu)dan rivoyat qilinadi: Makka fathi yili Xuzoa (qabilasi) Bani Lays (qabilasi)dan bir kishini, ular oʻldirgan oʻzlarining bir oʻliki uchun (qasos olib) oʻldirdilar. Shunda bu haqda Rasululloh ﷺ ga xabar berildi. U zot tuyalariga minib, xutba qilib, shunday dedilar: «Albatta, Alloh azza va jalla Makkadan filni toʻsdi va unga oʻz Rasuli hamda moʻminlarni gʻolib qildi. Ogoh boʻlinglarki, u mendan oldin hech kimga halol boʻlmagan va mendan keyin ham hech kimga halol boʻlmaydi. Ogoh boʻlinglarki, u menga kunduzning bir soatigina halol qilingan. Ogoh boʻlinglarki, u mana shu soatimda haromdir: uning tikoni urib (qoqib) tushirilmaydi, daraxti kesilmaydi, undagi (yoʻqolib) tushgan narsani faqat (uni) eʼlon qiluvchidan boshqa kishi terib olmaydi. Kimning bir kishisi oʻldirilgan boʻlsa, u ikki yaxshilikning birini (ixtiyor qilishda) erkindir: yo unga (xunbaho — diyat) berilsin, yoki oʻlik egalariga qasos (huquqi) berilsin», — dedilar. (Abu Hurayra) dedi: Shunda Yaman ahlidan Abu Shoh deb ataladigan bir kishi kelib: «Yo Rasululloh! Buni menga yozib bering», — dedi. (Rasululloh ﷺ): «Abu Shohga yozib beringlar», — dedilar. Soʻng Qurayshdan bir kishi: «Izxirdan boshqa, chunki biz uni uylarimizga va qabrlarimizga (ishlatib) qoʻyamiz», — dedi. Shunda Rasululloh ﷺ: «Izxirdan boshqa», — dedilar.Абу Ҳурайра (розияллоҳу анҳу)дан ривоят қилинади: Макка фатҳи йили Хузоа (қабиласи) Бани Лайс (қабиласи)дан бир кишини, улар ўлдирган ўзларининг бир ўлики учун (қасос олиб) ўлдирдилар. Шунда бу ҳақда Расулуллоҳ ﷺ га хабар берилди. У зот туяларига миниб, хутба қилиб, шундай дедилар: «Албатта, Аллоҳ азза ва жалла Маккадан филни тўсди ва унга ўз Расули ҳамда мўминларни ғолиб қилди. Огоҳ бўлингларки, у мендан олдин ҳеч кимга ҳалол бўлмаган ва мендан кейин ҳам ҳеч кимга ҳалол бўлмайди. Огоҳ бўлингларки, у менга кундузнинг бир соатигина ҳалол қилинган. Огоҳ бўлингларки, у мана шу соатимда ҳаромдир: унинг тикони уриб (қоқиб) туширилмайди, дарахти кесилмайди, ундаги (йўқолиб) тушган нарсани фақат (уни) эълон қилувчидан бошқа киши териб олмайди. Кимнинг бир кишиси ўлдирилган бўлса, у икки яхшиликнинг бирини (ихтиёр қилишда) эркиндир: ё унга (хунбаҳо — дият) берилсин, ёки ўлик эгаларига қасос (ҳуқуқи) берилсин», — дедилар. (Абу Ҳурайра) деди: Шунда Яман аҳлидан Абу Шоҳ деб аталадиган бир киши келиб: «Ё Расулуллоҳ! Буни менга ёзиб беринг», — деди. (Расулуллоҳ ﷺ): «Абу Шоҳга ёзиб беринглар», — дедилар. Сўнг Қурайшдан бир киши: «Изхирдан бошқа, чунки биз уни уйларимизга ва қабрларимизга (ишлатиб) қўямиз», — деди. Шунда Расулуллоҳ ﷺ: «Изхирдан бошқа», — дедилар.