Rofiʼ ibn Xadij (roziyallohu anhu)dan rivoyat qilinadi: «Yo Rasululloh! Biz ertaga dushmanga roʻbaroʻ boʻlamiz, oldimizda esa pichoqlarimiz yoʻq», dedim. Shunda Rasululloh ﷺ: «Shoshil! Yoki menga (yetkazgin) qonni oqizgan hamda Allohning nomi zikr etilgan (narsa bilan boʻgʻizlangan hayvonni) — uni yegin. Faqat tish va tirnoq (bilan boʻgʻizlangandan) boʻlmasin. Senga (buning sababini) aytib beraman: tishga kelsak, u suyakdir; tirnoqqa kelsak, u habashlarning pichogʻidir», dedilar. (Rofiʼ) dedi: Biz tuya va qoʻylardan iborat oʻlja qoʻlga kiritdik. Ulardan bir tuya qochib ketdi. Bir kishi unga oʻq otib, uni (yiqitib) toʻxtatdi. Shunda Rasululloh ﷺ: «Bu tuyalarning yovvoyi hayvonlardek qochoqlari boʻladi. Bas, ulardan biror narsa sizdan ustun chiqsa (qochib ketsa), unga shunday qilinglar (oʻq otinglar)», dedilar.Рофиъ ибн Хадиж (розияллоҳу анҳу)дан ривоят қилинади: «Ё Расулуллоҳ! Биз эртага душманга рўбарў бўламиз, олдимизда эса пичоқларимиз йўқ», дедим. Шунда Расулуллоҳ ﷺ: «Шошил! Ёки менга (етказгин) қонни оқизган ҳамда Аллоҳнинг номи зикр этилган (нарса билан бўғизланган ҳайвонни) — уни егин. Фақат тиш ва тирноқ (билан бўғизлангандан) бўлмасин. Сенга (бунинг сабабини) айтиб бераман: тишга келсак, у суякдир; тирноққа келсак, у ҳабашларнинг пичоғидир», дедилар. (Рофиъ) деди: Биз туя ва қўйлардан иборат ўлжа қўлга киритдик. Улардан бир туя қочиб кетди. Бир киши унга ўқ отиб, уни (йиқитиб) тўхтатди. Шунда Расулуллоҳ ﷺ: «Бу туяларнинг ёввойи ҳайвонлардек қочоқлари бўлади. Бас, улардан бирор нарса сиздан устун чиқса (қочиб кетса), унга шундай қилинглар (ўқ отинглар)», дедилар.