Safiyya bint Huyay (roziyallohu anho)dan rivoyat qilinadi: Nabiy ﷺ (masjidda) eʼtikofda edilar. Men kechasi u zotni ziyorat qilgani keldim va u zot bilan suhbatlashdim. Soʻng qaytib ketmoqchi boʻlib oʻrnimdan turdim. U zot ham meni kuzatib qoʻyish uchun men bilan birga turdilar. Uning (Safiyyaning) turar joyi Usoma ibn Zaydning hovlisida edi. Shu payt ansorlardan ikki kishi oʻtib qoldi. Ular Nabiy ﷺ ni koʻrishlari bilan tezlab yurib ketdilar. Shunda Nabiy ﷺ: «Shoshilmanglar, bu Safiyya bint Huyaydir», dedilar. Ikkovi: «Subhanalloh, yo Rasululloh!» dedilar. U zot: «Albatta, shayton inson tanasida qon kabi oqib yuradi. Men u qalblaringizga bir yomonlik solib qoʻyishidan qoʻrqdim», dedilar. Yoki «bir narsa» dedilar.Сафийя бинт Ҳуяй (розияллоҳу анҳо)дан ривоят қилинади: Набий ﷺ (масжидда) эътикофда эдилар. Мен кечаси у зотни зиёрат қилгани келдим ва у зот билан суҳбатлашдим. Сўнг қайтиб кетмоқчи бўлиб ўрнимдан турдим. У зот ҳам мени кузатиб қўйиш учун мен билан бирга турдилар. Унинг (Сафийянинг) турар жойи Усома ибн Зайднинг ҳовлисида эди. Шу пайт ансорлардан икки киши ўтиб қолди. Улар Набий ﷺ ни кўришлари билан тезлаб юриб кетдилар. Шунда Набий ﷺ: «Шошилманглар, бу Сафийя бинт Ҳуяйдир», дедилар. Иккови: «Субҳаналлоҳ, ё Расулуллоҳ!» дедилар. У зот: «Албатта, шайтон инсон танасида қон каби оқиб юради. Мен у қалбларингизга бир ёмонлик солиб қўйишидан қўрқдим», дедилар. Ёки «бир нарса» дедилар.