Safiyya bint Huyay (roziyallohu anho)dan rivoyat qilinadi: Allohning Rasuli ﷺ eʼtikofda ekanida, men kechasi uning oldiga (ziyoratga) keldim va u bilan suhbatlashgach, ketish uchun (oʻrnimdan) turdim. U zot ham — meni turar joyimga (kuzatib qoʻyish uchun) — turdi; mening turar joyim oʻsha paytda Usoma ibn Zaydning uyida edi. Ikki ansoriy kishi (ular yonidan) oʻtdi va ular Paygʻambar ﷺ ni koʻrgach, shoshilib (uzoqlashdi). Paygʻambar ﷺ (ularga): «Shoshilmanglar! Bu — Huyayning qizi Safiyya (yaʼni mening xotinim)», — dedi. Ular: «Subhanalloh! Yo Rasululloh! (Biz sizdan qanday shubha qilaylik?)» — dedi. U zot: «Shayton — odamning (badanida) qon (yurganidek) — uning aqlida aylanib yuradi va men — shayton sizlarning qalbingizga biror yomon fikr (yoki narsa) solishidan — qoʻrqdim», — dedi.Сафийя бинт Ҳуяй (розияллоҳу анҳо)дан ривоят қилинади: Аллоҳнинг Расули ﷺ эътикофда эканида, мен кечаси унинг олдига (зиёратга) келдим ва у билан суҳбатлашгач, кетиш учун (ўрнимдан) турдим. У зот ҳам — мени турар жойимга (кузатиб қўйиш учун) — турди; менинг турар жойим ўша пайтда Усома ибн Зайднинг уйида эди. Икки ансорий киши (улар ёнидан) ўтди ва улар Пайғамбар ﷺ ни кўргач, шошилиб (узоқлашди). Пайғамбар ﷺ (уларга): «Шошилманглар! Бу — Ҳуяйнинг қизи Сафийя (яъни менинг хотиним)», — деди. Улар: «Субҳаналлоҳ! Ё Расулуллоҳ! (Биз сиздан қандай шубҳа қилайлик?)» — деди. У зот: «Шайтон — одамнинг (баданида) қон (юрганидек) — унинг ақлида айланиб юради ва мен — шайтон сизларнинг қалбингизга бирор ёмон фикр (ёки нарса) солишидан — қўрқдим», — деди.