Abu Said al-Xudriy (roziyallohu anhu)dan rivoyat qilinadi: Rasululloh ﷺ ning ashoblaridan baʼzi kishilar safarda edilar. Ular arab qabilalaridan bir qabilaga uchradilar va ulardan mehmondoʻstlik (mehmon qilishlarini) soʻradilar, lekin ular mehmon qilmadilar. Shunda (qabila ahli) ularga: «Sizlarda biror ruqya qiluvchi (afsungar) bormi? Chunki qabila boshligʻini (chayon) chaqib oldi yoki kasallandi», dedilar. Ulardan bir kishi: «Ha», dedi. Soʻng u (boshliqning) oldiga keldi va unga Fotiha surasi bilan ruqya qildi. Shunda u kishi sogʻaydi. Unga bir poda qoʻy berildi, lekin u uni qabul qilishdan bosh tortdi va: «Toki buni Nabiyga ﷺ aytmagunimcha (olmayman)», dedi. Soʻng u Nabiy ﷺ huzurlariga kelib, buni u zotga aytdi va: «Yo Rasululloh! Vallohi, men faqat Fotiha surasi bilan ruqya qildim, xolos», dedi. Shunda (u zot) tabassum qildilar-da: «Uning ruqya ekanini qayoqdan bilding?» dedilar. Soʻng: «Ulardan oling va men uchun ham oʻzlaringiz bilan birga ulush ajrating», dedilar.Абу Саид ал-Худрий (розияллоҳу анҳу)дан ривоят қилинади: Расулуллоҳ ﷺ нинг ашобларидан баъзи кишилар сафарда эдилар. Улар араб қабилаларидан бир қабилага учрадилар ва улардан меҳмондўстлик (меҳмон қилишларини) сўрадилар, лекин улар меҳмон қилмадилар. Шунда (қабила аҳли) уларга: «Сизларда бирор руқя қилувчи (афсунгар) борми? Чунки қабила бошлиғини (чаён) чақиб олди ёки касалланди», дедилар. Улардан бир киши: «Ҳа», деди. Сўнг у (бошлиқнинг) олдига келди ва унга Фотиҳа сураси билан руқя қилди. Шунда у киши соғайди. Унга бир пода қўй берилди, лекин у уни қабул қилишдан бош тортди ва: «Токи буни Набийга ﷺ айтмагунимча (олмайман)», деди. Сўнг у Набий ﷺ ҳузурларига келиб, буни у зотга айтди ва: «Ё Расулуллоҳ! Валлоҳи, мен фақат Фотиҳа сураси билан руқя қилдим, холос», деди. Шунда (у зот) табассум қилдилар-да: «Унинг руқя эканини қаёқдан билдинг?» дедилар. Сўнг: «Улардан олинг ва мен учун ҳам ўзларингиз билан бирга улуш ажратинг», дедилар.