Nofeʼ (rahimahulloh)dan rivoyat qilinadi: Abdulloh ibn Umar (roziyallohu anhumo) peshin, asr, shom, xufton va bomdodni Minoda oʻqir, soʻng quyosh chiqqach ertalab Arafaga yoʻl olardi. Molik aytdi: «Bizning huzurimizda ixtilofsiz boʻlgan ish shuki, imom Arafa kuni peshinda Qurʼonni ovoz chiqarib oʻqimaydi, Arafa kuni odamlarga xutba qiladi va Arafa kunidagi namoz — aslida peshindir; agar jumʼaga toʻgʻri kelsa ham, u peshindir, lekin safar tufayli qasr qilingan (qisqartirilgan)». Molik haj imomi haqida aytdi: «Agar jumʼa kuni Arafa kuniga, yoki nahr kuniga, yoxud tashriq kunlarining biriga toʻgʻri kelsa, u bu kunlarning hech birida jumʼa (namozi) oʻqimaydi».Нофеъ (раҳимаҳуллоҳ)дан ривоят қилинади: Абдуллоҳ ибн Умар (розияллоҳу анҳумо) пешин, аср, шом, хуфтон ва бомдодни Минода ўқир, сўнг қуёш чиққач эрталаб Арафага йўл оларди. Молик айтди: «Бизнинг ҳузуримизда ихтилофсиз бўлган иш шуки, имом Арафа куни пешинда Қуръонни овоз чиқариб ўқимайди, Арафа куни одамларга хутба қилади ва Арафа кунидаги намоз — аслида пешиндир; агар жумъага тўғри келса ҳам, у пешиндир, лекин сафар туфайли қаср қилинган (қисқартирилган)». Молик ҳаж имоми ҳақида айтди: «Агар жумъа куни Арафа кунига, ёки наҳр кунига, ёхуд ташриқ кунларининг бирига тўғри келса, у бу кунларнинг ҳеч бирида жумъа (намози) ўқимайди».