Abu Hurayra (roziyallohu anhu) aytadi: «Biz Hunayn yili Rasululloh ﷺ bilan (jangga) chiqdik. Biz oltin ham, kumush ham oʻlja qilmadik, faqat mol-mulk — kiyim va anjomlarni (oʻlja qildik). Rifoa ibn Zayd Rasululloh ﷺga Midʼam degan bir qora qulni hadya qildi. Rasululloh ﷺ Vodiyul-Quroga yoʻl oldilar. Biz Vodiyul-Quroga yetganimizda, Midʼam Rasululloh ﷺning yukini tushirayotgan edi, shu payt (qayoqdandir) uchib kelgan bir oʻq unga tegib, oʻldirdi. Odamlar: ‹Unga jannat muborak boʻlsin!› deyishdi. Rasululloh ﷺ: ‹Yoʻq, aslo! Jonim qoʻlida boʻlgan Zotga qasamki, u Hunayn kuni oʻljalardan olgan, taqsimotga tushmagan (bir) chopon unga oʻt boʻlib yonmoqda›, dedilar. Odamlar buni eshitgach, bir kishi Rasululloh ﷺga bitta yoki ikkita (poyabzal) tasmasini olib keldi. Shunda Rasululloh ﷺ: ‹(Bu) bitta yoki ikkita oʻtdan (boʻlgan) tasmadir›, dedilar».Абу Ҳурайра (розияллоҳу анҳу) айтади: «Биз Ҳунайн йили Расулуллоҳ ﷺ билан (жангга) чиқдик. Биз олтин ҳам, кумуш ҳам ўлжа қилмадик, фақат мол-мулк — кийим ва анжомларни (ўлжа қилдик). Рифоа ибн Зайд Расулуллоҳ ﷺга Мидъам деган бир қора қулни ҳадя қилди. Расулуллоҳ ﷺ Водиюл-Қурога йўл олдилар. Биз Водиюл-Қурога етганимизда, Мидъам Расулуллоҳ ﷺнинг юкини тушираётган эди, шу пайт (қаёқдандир) учиб келган бир ўқ унга тегиб, ўлдирди. Одамлар: ‹Унга жаннат муборак бўлсин!› дейишди. Расулуллоҳ ﷺ: ‹Йўқ, асло! Жоним қўлида бўлган Зотга қасамки, у Ҳунайн куни ўлжалардан олган, тақсимотга тушмаган (бир) чопон унга ўт бўлиб ёнмоқда›, дедилар. Одамлар буни эшитгач, бир киши Расулуллоҳ ﷺга битта ёки иккита (поябзал) тасмасини олиб келди. Шунда Расулуллоҳ ﷺ: ‹(Бу) битта ёки иккита ўтдан (бўлган) тасмадир›, дедилар».