Omir ibn Kurayzning ozod qilgan quli Abu Said (rahimahulloh)dan rivoyat qilinadiki, Rasululloh ﷺ Ubay ibn Kaʼb (roziyallohu anhu)ni namoz oʻqiyotgan paytida chaqirdilar. Ubay namozini tugatgach, u zotga yetib bordi. Rasululloh ﷺ masjid eshigidan chiqmoqchi boʻlib turgan edilar, u zot qoʻllarini Ubayning qoʻliga qoʻyib: «Men Alloh Tavrotda ham, Injilda ham, Qurʼonda ham unga oʻxshashini nozil qilmagan bir surani bilib olmaguningcha, masjiddan chiqmasligingni umid qilaman», dedilar. Ubay aytdi: «Men shuni umid qilib, yurishni sekinlashtira boshladim. Soʻng: ‹Yo Rasululloh, menga vaʼda qilgan suraingiz?› dedim. U zot: ‹Namozni boshlaganingda nima oʻqiysan?› dedilar. Men {Alhamdu lillahi robbil-olamin}ni oxirigacha oʻqidim. Shunda Rasululloh ﷺ: ‹Mana shu sura — sabʼul-masoniy (takrorlanadigan yetti oyat) hamda menga berilgan Ulugʻ Qurʼondir›, dedilar».Омир ибн Курайзнинг озод қилган қули Абу Саид (раҳимаҳуллоҳ)дан ривоят қилинадики, Расулуллоҳ ﷺ Убай ибн Каъб (розияллоҳу анҳу)ни намоз ўқиётган пайтида чақирдилар. Убай намозини тугатгач, у зотга етиб борди. Расулуллоҳ ﷺ масжид эшигидан чиқмоқчи бўлиб турган эдилар, у зот қўлларини Убайнинг қўлига қўйиб: «Мен Аллоҳ Тавротда ҳам, Инжилда ҳам, Қуръонда ҳам унга ўхшашини нозил қилмаган бир сурани билиб олмагунингча, масжиддан чиқмаслигингни умид қиламан», дедилар. Убай айтди: «Мен шуни умид қилиб, юришни секинлаштира бошладим. Сўнг: ‹Ё Расулуллоҳ, менга ваъда қилган сураингиз?› дедим. У зот: ‹Намозни бошлаганингда нима ўқийсан?› дедилар. Мен {Алҳамду лиллаҳи роббил-оламин}ни охиригача ўқидим. Шунда Расулуллоҳ ﷺ: ‹Мана шу сура — сабъул-масоний (такрорланадиган етти оят) ҳамда менга берилган Улуғ Қуръондир›, дедилар».