Abu Bakr ibn Abdurrahmon ibn al-Horis ibn Hishom (rahimahulloh)ning xabar berishicha, Osiy ibn Hishom vafot etib, uchta oʻgʻil qoldirdi: ulardan ikkitasi bir onadan, biri esa faqat ota tomonidan (boshqa onadan) edi. Bir onadan boʻlgan ikkovidan biri vafot etib, mol va mavolilar (ozod qilingan qullar) qoldirdi. Uni ota-ona bir akasi — ham molini, ham mavolilarining valosini — meros qilib oldi. Soʻng molni va mavolilarning valosini meros qilib olgan oʻsha kishi ham vafot etib, oʻgʻli bilan ota tomonidan boʻlgan ukasini qoldirdi. Uning oʻgʻli: «Otam qoʻlga kiritgan mol va mavolilarning valosini men egalladim», dedi. Ukasi esa: «Unday emas. Sen faqat molni egallading, ammo mavolilarning valosiga kelsak — yoʻq. Aytgin-chi, agar bugun akam vafot etsa, uni men meros qilib olmaymanmi?» dedi. Shunda ikkovi Usmon ibn Affon (roziyallohu anhu)ning huzurida daʼvolashdilar, u esa mavolilarning valosini ukasiga hukm qildi.Абу Бакр ибн Абдурраҳмон ибн ал-Ҳорис ибн Ҳишом (раҳимаҳуллоҳ)нинг хабар беришича, Осий ибн Ҳишом вафот этиб, учта ўғил қолдирди: улардан иккитаси бир онадан, бири эса фақат ота томонидан (бошқа онадан) эди. Бир онадан бўлган икковидан бири вафот этиб, мол ва маволилар (озод қилинган қуллар) қолдирди. Уни ота-она бир акаси — ҳам молини, ҳам маволиларининг валосини — мерос қилиб олди. Сўнг молни ва маволиларнинг валосини мерос қилиб олган ўша киши ҳам вафот этиб, ўғли билан ота томонидан бўлган укасини қолдирди. Унинг ўғли: «Отам қўлга киритган мол ва маволиларнинг валосини мен эгалладим», деди. Укаси эса: «Ундай эмас. Сен фақат молни эгалладинг, аммо маволиларнинг валосига келсак — йўқ. Айтгин-чи, агар бугун акам вафот эца, уни мен мерос қилиб олмайманми?» деди. Шунда иккови Усмон ибн Аффон (розияллоҳу анҳу)нинг ҳузурида даъволашдилар, у эса маволиларнинг валосини укасига ҳукм қилди.