Molikka yetib kelishicha, Marvon ibn al-Hakam (rahimahulloh) jarohatlangan qul haqida: uni jarohatlagan kishi zimmasida qulning bahosidan qancha kamaygan boʻlsa, shu (miqdor) boʻladi, deb hukm qilardi. Molik aytdi: «Bizdagi amal shuki, qulning muvzihasida bahosining oʻndan birining yarmi, munaqqilasida bahosining oʻndan biri va oʻndan birining yarmi, maʼmumasi va joifasida — har birida bahosining uchdan biri (boʻladi); shu toʻrt turdan boshqa, qulga yetgan (jarohat)larda esa bahosidan qancha kamayganiga qaraladi. Bunga qul sogʻayib, tuzalganidan soʻng nazar solinadi: qulning jarohat yetganidan keyingi qiymati bilan, bu (jarohat) yetishidan avvalgi sogʻ holdagi qiymati orasida qancha (farq bor) — soʻng uni jarohatlagan kishi ikki qiymat orasidagi (farqni) toʻlaydi». Molik qul haqida — uning qoʻli yoki oyogʻi sindirilib, soʻng sinigʻi tuzalsa — «Uni jarohatlagan kishi zimmasida hech narsa yoʻq; agar oʻsha sinishdan nuqson yoki oqsoqlik (asorat) qolsa, uni jarohatlagan kishi zimmasida qulning bahosidan qancha kamaygan boʻlsa, shu (miqdor) boʻladi», dedi. Molik aytdi: «Bizdagi amal shuki, qullar orasidagi qasos ozod kishilar orasidagi qasos kabidir: choʻrining joni qulning joniga, uning jarohati uning jarohatiga (barobar). Qul boshqa bir qulni qasddan oʻldirsa, oʻldirilgan qulning egasi ixtiyor qilinadi: istasa (qasos olib) oʻldiradi, istasa diyani oladi; diyani olsa, oʻz qulining qiymatini oladi. Oʻldirgan qulning egasi istasa, oʻldirilgan qulning bahosini bersa (boʻladi), istasa qulini (qasosga) topshiradi; topshirsa, undan boshqa (narsa) zimmasida qolmaydi. Oʻldirilgan qulning egasi qotil qulni olib, unga rozi boʻlsa, endi uni oʻldirishi mumkin emas. Bu — qullar orasidagi barcha qasosda: qoʻl, oyoqni kesishda va shunga oʻxshashlarda — xuddi oʻldirishdagi kabidir». Molik yahudiy yoki nasroniyni jarohatlagan musulmon qul haqida: «Qulning egasi istasa, u yetkazgan (jarohat) uchun uning oʻrniga diya toʻlasa (boʻladi), yoki uni (qulni) topshiradi va u sotiladi, soʻng qulning bahosidan yahudiy yoki nasroniyga jarohati diyasi beriladi, yoki bahosi (jarohat diyasiga) yetsa, butun bahosi beriladi; yahudiy yoki nasroniyga musulmon qul (mulk qilib) berilmaydi», dedi.Моликка етиб келишича, Марвон ибн ал-Ҳакам (раҳимаҳуллоҳ) жароҳатланган қул ҳақида: уни жароҳатлаган киши зиммасида қулнинг баҳосидан қанча камайган бўлса, шу (миқдор) бўлади, деб ҳукм қиларди. Молик айтди: «Биздаги амал шуки, қулнинг мувзиҳасида баҳосининг ўндан бирининг ярми, мунаққиласида баҳосининг ўндан бири ва ўндан бирининг ярми, маъмумаси ва жоифасида — ҳар бирида баҳосининг учдан бири (бўлади); шу тўрт турдан бошқа, қулга етган (жароҳат)ларда эса баҳосидан қанча камайганига қаралади. Бунга қул соғайиб, тузалганидан сўнг назар солинади: қулнинг жароҳат етганидан кейинги қиймати билан, бу (жароҳат) етишидан аввалги соғ ҳолдаги қиймати орасида қанча (фарқ бор) — сўнг уни жароҳатлаган киши икки қиймат орасидаги (фарқни) тўлайди». Молик қул ҳақида — унинг қўли ёки оёғи синдирилиб, сўнг синиғи тузалса — «Уни жароҳатлаган киши зиммасида ҳеч нарса йўқ; агар ўша синишдан нуқсон ёки оқсоқлик (асорат) қолса, уни жароҳатлаган киши зиммасида қулнинг баҳосидан қанча камайган бўлса, шу (миқдор) бўлади», деди. Молик айтди: «Биздаги амал шуки, қуллар орасидаги қасос озод кишилар орасидаги қасос кабидир: чўрининг жони қулнинг жонига, унинг жароҳати унинг жароҳатига (баробар). Қул бошқа бир қулни қасддан ўлдирса, ўлдирилган қулнинг эгаси ихтиёр қилинади: истаса (қасос олиб) ўлдиради, истаса дияни олади; дияни олса, ўз қулининг қийматини олади. Ўлдирган қулнинг эгаси истаса, ўлдирилган қулнинг баҳосини берса (бўлади), истаса қулини (қасосга) топширади; топширса, ундан бошқа (нарса) зиммасида қолмайди. Ўлдирилган қулнинг эгаси қотил қулни олиб, унга рози бўлса, энди уни ўлдириши мумкин эмас. Бу — қуллар орасидаги барча қасосда: қўл, оёқни кесишда ва шунга ўхшашларда — худди ўлдиришдаги кабидир». Молик яҳудий ёки насронийни жароҳатлаган мусулмон қул ҳақида: «Қулнинг эгаси истаса, у етказган (жароҳат) учун унинг ўрнига дия тўласа (бўлади), ёки уни (қулни) топширади ва у сотилади, сўнг қулнинг баҳосидан яҳудий ёки насронийга жароҳати дияси берилади, ёки баҳоси (жароҳат диясига) етса, бутун баҳоси берилади; яҳудий ёки насронийга мусулмон қул (мулк қилиб) берилмайди», деди.